Aizawl & Agartala tihhmasawn nan Cheng vbc. 683 hû inremna ziak

Aizawl & Agartala tihhmasawn nan Cheng vbc. 683 hû inremna ziak

Asian Development Bank (ADB) aṭanga sum hmuh, cheng vbc. 683 hmanga Aizawl leh Agartala khawpui tihhmasawnna turin nimin khan New Delhi-ah inremna thuthlung ziah a ni. www.vanglaini.org

UD&PA hotute hnen aṭanga thu dawn danin, inremna thuthlung ziah tak hi North-Eastern Region Capital Cities Investment Program (NERCCDIP) kal zela Tranche-III kalpuina tur a ni a; inremnaah hian ADB, sorkar laipui, Mizoram sorkar leh Tripura sorkar aiawhte’n hming an ziak. Mizoram sorkar aṭangin UD&PA joint director Vanlalmawia leh SIPMIU project director Valbuanga te an tel. www.vanglaini.org

Project hi Mizoram sorkara UD&PA department hnuaia State Investment Program Management Unit (SIPMIU) hmalakna a ni.

NERCCDIP Tranche-III atan hian ADB-in cheng vbc. 544 a pe dawn a, India sorkar tum ve tur chu sorkar laipuiah loan-in a pe ang. India sorkarin a tum ve tur cheng vbc. 139 a ni. Project sum hi India sorkar aṭangin Mizoram leh Tripura sorkarin a tlawnin 90% (vbc. 614.17) an dawng ang a, 10% (vbc. 68.3) chu loan angin an dawng ang. www.vanglaini.org

NERCCDIP Tranche-III hnuaiah hian Aizawlah chuan water supply, solid waste management leh septage management-te thawh a ni dawn a; project hian consultant rawihna leh project administration senso a keng tel.

NERCCDIP hnuaiah hian Tranch-I leh Tranch-II te kalpui a ni tawh a; Tranch-I chu zawh fel tawh niin, Tranch-II chu kalpui mek a ni. www.vanglaini.org

He project hi a tirah chuan hmarchhak state-a khawpui panga tana tih a ni a, mahse, state ṭhenkhatin an kalpui ṭhat loh avangin Tranch-III ah chuan Aizawl leh Tripura khawpui Agartala chauh thlan a ni. www.vanglaini.org

UD&PA hotute chuan, khawpui pathum paih an nih avang hian Aizawl leh Agartala chuan a hma zawng aiin sum an hmu hnem dawn niin an sawi a; cheng vbc. 683 hi Aizawl leh Agartala-in an insem tur a ni a, Mizoramin hna a thawh ṭhat avangin a tam zawk, cheng vbc. 512 vel a chang thei dawn niin an sawi bawk.

– See more at: http://www.vanglaini.org/tualchhung/49326#sthash.xoRnIhJL.dpuf

Facebook Comments

Add a Comment