Posted on

State-te innghahna tihbo a nih avangin CM-in suma harsat chhoh zel a hlau

State-te innghahna tihbo a nih avangin CM-in suma harsat chhoh zel a hlau

Chief minister Lal Thanhawla chuan, sum leh paia state tam zawk innghahna ṭhin sorkar laipuiin a tihbo avangin hrilhhai thlak a tih thu a sawi a, “Chhunzawm a nih loh chuan kan harsa chho zel ang tih a hlauhawm viau a ni,” a ti. www.vanglaini.org

Nimina Planning Board member-te Planning department conference hall-a an ṭhutkhawmnaah Lal Thanhawla chuan, “State tam zawk innghahna ṭhin Special Plan Assistance, Additional Central Assistance leh Special Central Assistance-te tihtawp a nih avangin a hrilhhaithlak hle,” a ti. Central-in ruahmanna thar nei hmasa loa Planning Commission ṭhiat a, NITI Aayog a din tharin kalphung a neih lawk loh avangin an bangbo hle tih a sawi. www.vanglaini.org

Chief Minister sawi danin, Mizoram sum hmuh tur chu 14th Finance Commission rawtna aṭangin a hriat theih. Chhiah aṭanga sum hmuh tur chanvo chu 32% aṭanga 42%-ah tihsan a ni chu a lawmawm rualin, a hman dan turah state sorkar kutah dah a nih avangin a buaithlak hle. Chuvang chuan State Planning Board-in ruahmanna thar mumal zawk leh ṭha zawk a ngaihtuah a ṭul a ni. www.vanglaini.org

Mizoram ang state-in planning mumal a neih loh reng chuan economy a kal thei dawn lo tih sawiin Lal Thanhawla chuan, “Tuna kan plan hman mek hi kum 2017 thleng a huam avangin kan la kalpui zel phawt dawn a ni,” a ti. Planning member tharte chu mithiam bik an nih anga Mizoram leilung leh hmasawn nana hman theih awm ang angte bêl chiang a, chumi mila kan kal dan turte ngaihtuah turin a sáwm a ni.

Chief Minister chuan, sorkar laipuiin centrally sponsored scheme (CSS) a pek dan thin a tihdanglam chu tun hnaiah Sub Committee of Chief Minister-te ngen angin, hmarchhak state-te tan 90:10 a kalpui a remtih leh thu a  sawi a, “UPA sorkar hnuaia project ṭhahnem tak kalpui mekte zawh hmaa Central-in a rawn tihtawp tâkte chhunzawm a nih theihna turin nawr reng a ni,” a ti. www.vanglaini.org

Finance minister Lalsawta chuan, Planning Board chu sorkar thluak bûr an nih thu sawiin, “Mizoram hmasawnna kalpuitu tur a ni a, department-te sum hman tur ruahmantu leh an hnathawhte a ṭul angin vil a, endiktu tur a ni. Sum hmuhna tur dap reng chungin, ṭul bik thila hman tur sum dahṭhat neih kan tum a ṭul,” a ti a; ram pawn thlenga thar chhuah tam tham tak kan neih theihna turin a hmanrua tur ngaihtuah thiam pawimawh a tih thu a sawi. www.vanglaini.org

Finance Minister sawi danin, K-Deposit-a sum táng ṭhahnem tak lak chhuah a ni tawh a, sorkar kum thar atan full budget pharh theih nghal beisei a ni. www.vanglaini.org

Planning Board vice chairman H Liansailova chuan, “Planning Commission ṭhiah a nih avangin Central sorkarin sum min pek dan turah Finance Commission rawtnaah a innghat a, chuvangin felfai taka plan siam chu kan kutah a tla tawh a ni,” a ti a; plan chu hunbi neia siam a nih avangin a thil tumah chian a pawimawh thu a sawi. www.vanglaini.org

Meeting-ah hian Planning secretary Dr C Vanlalramsanga’n ‘Overview of Mizoram Economy and Way Forward’ tih thupui hmangin a lem nen Mizoram economy dinhmun a tarlang a ni.

– See more at: http://www.vanglaini.org/tualchhung/49250#sthash.UsC9wNOu.dpuf

Facebook Comments
Leave a Reply