Posted on

Court-in IT Act Section 66-A a paih vangin IT kaihhnawih thubuai IPC hmangin ziak lut

Court-in IT Act Section 66-A a paih vangin IT kaihhnawih thubuai IPC hmangin ziak lut

Supreme Court-in Information Technology Act Section 66-A chu Fundamental Right (Article 19 of Indian Constitution), mahni duh zawng sawi theihna kalha a ngaih avangin paih tawh mah se, IT kaihhnawiha thil dik lo leh ṭha lo tite chu IPC section hrang hrang hmangin thubuai siamsak theih a ni a, thubuai siamsak an awm nual tawh bawk. www.vanglaini.org

Supreme Court-in IT Act Section 66-A paih a nih chungchangah hian Vanglainipalai zawhna chhangin advocate JC Lalnunsanga chuan, “IT Act 66-A khin a nih chhan hi police-te’n an duh ang anga hmang sual a, mi an man theih vang a ni. March 24, 2015 khan Supreme Court judge pahnih J Chamaleswar leh RF Nariman te chuan he dan hi an ṭhiat a ni,” a ti. www.vanglaini.org

JC Lalnunsanga sawi danin, IT Act section 66-A in a sawi chu, mi tu pawhin computer leh a kaihhnawih hmanga mi dang tana thu huathlala emaw, hlauhthawnawm emaw, dâwt thu, mi dangte tana awm nuam lo, harsatna siam leh tithlabár thei thil a thawn chhuak a nih chuan kum thum theng tân theih a ni. He dan Court-a khing hmasa ber chu LL.B zir lai Shreya Singhal (21) a ni a, a nu Manali Singhal chu Supreme Court lawyer a nih bakah, a pi Sunanda Bhandare pawh Dehli High Court-ah judge a ni.

Shreya Singhal-i’n IT Act 66-A a khin chhan chu, hmeichhe pahnihin Shiv Sena hotupa Bal Thackeray thihna chungchanga Facebook-a an thu comment avangin Mumbai police-in kum 2012-ah IT Act 66-A hmanga an man vang a ni. A hnuah NGO Common Cause leh Bangladeshi writer Taslima Nasreen-te pawhin an khing ve leh bawk. www.vanglaini.org

Shreya Singhal hian November 2012 khan Supreme Court-ah IT Act 66-A khinna a thehlut a, March 24, 2015-ah Supreme Court judge pahnih J Chamaleswar leh RF Nariman te dan chu an ṭhiat ta a ni. Supreme Court chuan, IT Act 66-A chu India danpui Fundamental Right (Article 19 of Indian Constitution), mahni duh zawng sawi theihna kalh a nih vanga paih a nih thu a tarlang. www.vanglaini.org

JC Lalnunsanga chuan, IT Act 66-A chu a chiang tawk lo nia sawiin, “Police-te’n an duh ang anga hmang sualin, mi an man theih avang a ni a. Political party-te’n an khingpui leh huat zawngte case siamsak tura beih nan an hmang nasa hle bawk,” a ti a; Jadavpur University, Kolkata-a professor pakhat pawh kum 2012 khan an chief minister Mamata Banerjee thlalak (cartoon) a post avangin man a ni tih a sawi.

Mizoram police-a CID (Crime) hotute chuan Vanglaini palai zawhna chhangin, IT Act Section 66-A paih a nih hma khan Mizoramah kum ruk chhungin IT Act 66-A thlawhchhanin thubuai 50 ziah lut hman a nih thu an sawi.

CID (Crime) hotute chuan, Supreme Court-in IT Act Section 66-A a paih tâk avangin India danpui awmsa, IPC hmanga thubuai ziah luh a ngai ta tih an sawi a, “IPC hmanga thubuai kan ziah luh hian, IT Act-a inziak ang zawng zawng  a huam chiah lo. IPC-a section hrang hrang hmangin kan ziak lut leh nual tawh a, IT Act hian IPC aiin a huam zau deuh tihna mai a ni,” an ti. www.vanglaini.org

CID (Crime) chhinchhiah danin, kum 2009-2014 chhung khan IT Act 66-A hmangin thubuai 50 an ziak lut hman a; thubuai an ziah luhna police station-te chu – Aizawl PS, Bawngkawn PS, Kulikawn PS, Vaivakawn PS, Vairengte PS, Saiha PS, Saitual PS, Kolasib PS-te a ni. www.vanglaini.org

Thubuai an ziah luhte chu zahmawh rawngkai thehdarh, hmeichhe zahawmna tihbawrhbân, message huatthlala chi thawn, inbumna thu thawn darh, mipat hmeichhiatna hmang lai thlalak thehdarh, mi hming chhála mi dang bumte a ni tlangpui. www.vanglaini.org

IT Act 66-A hmang hian Mizoramah kum 2009-ah thubuai 2, kum 2010-ah 2, kum 2011-ah 5, kum 2012-ah 4, kum 2013-ah 13 leh kum 2014-ah 24 ziah luh a ni.

– See more at: http://www.vanglaini.org/tualchhung/49189#sthash.qNgU1Quj.dpuf

Facebook Comments
Leave a Reply