Posted on

AIZAWLAH ‘12TH SOUTH ASIAN GAMES TORCH RELAY’ ROPUI TAKA NEIH A NI

AIZAWLAH ‘12TH SOUTH ASIAN GAMES TORCH RELAY’ ROPUI TAKA NEIH A NI

12th South Asian Games Meichher chu Chanmari leh Tresurry inkarah Sawrkar mipawimawhte leh infiamna lama hnuhma nei tha, mi 28 laiin an tlanpui a. Mipui thahnem takin tawiawm bawk.

12th South Asian Games Torch Relay kharna hun hi Secretariat Annex II tualzawlah neih a ni a. He hunah hian khuallian Sports & Youth Services Minister Pu Zodintluanga chuan Meichher chu lo dawngsawngin South Asian Games Official-te hnenah a hlan let leh a ni. Hlan let paha thu sawiin Pu Zodintluanga chuan 12th South Asian Games dawngtu tur state pahnih, Assam leh Meghalaya chu duhsakna a hlan nghal bawk.

South Asian Games hi Asia chhim lama awm ram pariat:- Afghanistan, Bangladesh, Bhutan, India, Maldives, Nepal, Pakistan and Sri Lanka-te sport discipline hrang hranga an inelna tura buatsaih a ni a. 12th South Asian Games official mascot atan Tikhor, samakno-te, harh leh thatho tak thlan niin Bhupen Hazarika hlaphuah ‘Ei prithivi ekhan krirangan/krira hol shantir prangan’ (Khawvel hi khelmual a ni a, infiamna chu remna leh muanna entirna a ni) tih chu Theme Song atana thlan a ni bawk.

https://dipr.mizoram.gov.in/press-release/aizawlah-12th-south-asian-games-torch-relay-ropui-taka-neih-a-ni

Facebook Comments
Leave a Reply