Sairengpuii bân phûtin kawng zawh Police nena innawrnaah hliam awm nual

Sairengpuii bân phûtin kawng zawh Police nena innawrnaah hliam awm nual

Persons with Disabilities (PwD) commissioner bàn phutin MSU bultumin nimin khan zirlaite’n Zarkawt aṭanga Chaltlanga PwD Commissioner pisa bul thleng kawng an zawh. B Sairengpuii hi nimina pisa kai hun chhunga bân a nih loh avangin tlai dar 4 velah zirlaite leh police-te chu an innawr a, hliam an awm nual

Kawng zawh ṭan hmain Zarkawt traffic point bulah an pungkhawm a, chawhma dar 11 aṭangin darkar chanve vel lirthei an dang a, an au rual. Police-te chhût danin, kawng zawhnaah hian mi 2,500 vel an tel a, zirlaite bakah rualbanlo eng emaw zat an tel a ni.  www.vanglaini.org

Zirlaite hian chief minister Lal Thanhawla chu a laináte uchuak taka duhsakah puhin, bâng turin an phût a; Home minister R Lalzirliana pawh zirlaite vauah leh dâwt sawiah puhin, báng tura an phût. Social Welfare minister PC Lalthanliana chu a department enkawl zo loah ngaiin báng turin an phût a; PwD commissioner B Sairengpuii chu báng nghal turin an phût bawk.  www.vanglaini.org

Tarlan tawh angin, zirlaite hian kawng zawh an tum hi Home minister R Lalzirliana nen January 20, 2016-a an inbiakna avangin an ṭhulh tawh a; mahse Home Minister-in dâwt a sawi nia an hriat avang leh media hmaah a thu a zûk nia an hriat avangin kawng an zawh leh ta a ni.  www.vanglaini.org

Kawng zawhte hi Chanmari kâwnah rei lo tê an châwl a; Mizoram Blind Soceity president Elvin Zothantluanga chuan thu sawiin, PwD Commissioner-in rualbanlote ngaihsakna a nei lo niin a sawi a; “Kan Commissioner office-ah ngei pawh rualbanlo thawk kan awm lo, hei ringawt pawh hi mak kan ti hle,” tiin, an dikna chanvo humhalh tura ke pênnaah theihtawp chhuahpui turin zirlaite a sáwm.  www.vanglaini.org

Kawngzawhte hi Chaltlanga PwD Commissioner pisa thlen hma deuhah police-in an lo dang a, zirlai hruaitute leh thuneitute an inbiak hnuah zirlaite ngen angin PwD Commissioner office kawt thleng kal phalsak an ni. Innawr buaina a thleng lo.  www.vanglaini.org

PwD Commissioner office kawtah inkhawm tâwi buatsaih a ni a; MSU president Lalrinhlua chuan, B Sairengpuii chu danin sorkar hnathawk pension tawhte pawhsei a phalna zawng zawngah a tlin loh vek thu sawiin, “Chu mai bakah a enkawl tur rualbanlote’n an duh lo. Sorkar hnaah 3% rualbanlote tan hauhsak a ni a, department-in a reserved loh pawhin PwD Commissioner hian a nawrpui ngai lo,” a ti.

B Sairengpuii chu dâwt sawiah puhin PC Lalrinhlua chuan, “PwD Commissioner chelh tur dang an awm lo a tih hi dâwt a ni. PwD Commissioner term kum 5 a tih pawh dawt a ni a, kum thum tur a ni,” a ti a; dâwt sawi ching commissioner an duh loh thu a sawi.  www.vanglaini.org

Zirlai pungkhawmte hian nimin office hour chhung ngeiin B Sairengpuii’n bànna a thehluh emaw, sorkarin a bàn emaw an phût a; chu an thil phût nghakin PwD Commissioner pisa bulah nilengin an awm khawm a ni.

Office hour tawpah pawh bân a nih loh avangin zirlaite chu PwD Commissioner pisaah luh an tum a, anmahni dangtu police-te nen nasa takin an innawr a, police-te’n tear gas an hmang. An innawrnaah hian police panga an hliam a, zirlai lamah pawh hliam an awm nual a; police panga leh zirlai pahnih chu damdawi-inah kalpui an ni. Thudawn danin, zingah hian na lutuk an awm lo.  www.vanglaini.org

Zirlaite hi nimin tlai dar 5 vel Chatlang aṭangin kawng an zawh thla a, Chanmari kawn, Zarkawt traffic point leh Zarkawta Chief Minister-te in kawtah chawlin, an aurual a ni. B Sairengpuii ban phut hian zirlaite chu vawiin zing dar 9 hian Vanapa Hall kawtah punkhawm an tum.

– See more at: http://www.vanglaini.org/tualchhung/48949#sthash.IhK0EvJt.dpuf

Facebook Comments

Add a Comment