Posted on

PWD Commissioner bàn tum rih lo Sairengpuii bàn phûtin kawng zawh dawn

PWD Commissioner bàn tum rih lo Sairengpuii bàn phûtin kawng zawh dawn

Mizo Students Union (MSU) huaihawtin vawiin hian Persons with Disabilities (PwD) commissioner B Sairengpuii bàn phût nan naktukah zirlaite’n Aizawlah kawng an zawh dawn. Hetih lai hian, Social Welfare minister PC Lalthanliana chuan B Sairengpuii bàn emaw, Commissioner thar dah tumna emaw an la neih loh thu a sawi. www.vanglaini.org

PwD commissioner aṭanga B Sairengpuii báng tura phût nan hian MSU, Aizawl City College Joint Students’ Unionleh Mizoram Blind Society (MBS)-te chuan January 18 khan Chaltlanga PwD Commissioner pisa tualah a pisa kai tur an dang a; hmalak chhunzawm zel an tum angin, naktukah Aizawlah kawng zawh leh an tum a ni. www.vanglaini.org

Social Welfare Minister chuan Vanglaini palai zawhna chhângin, MSU leh pawl dangte’n B Sairengpuii an dodal chu pawi an tih thu sawiin, amah thlâktu tur an van thu leh, tunah rih chuan bàntir tumna a la awm loh thu a sawi. www.vanglaini.org

Minister PC Lalthanliana chuan, PwD Commissioner post chu Mizoram sorkara secretary tlukpui a nih thu sawiin, “Secretary rank hna thawk tur chuan mi dang kan vàn a, sorkara la thawk ngai lo dah dawnin mi ṭha an vâng a, dan anga hun pawhsei theih a la nih avangin Pi B Sairengpuii hun pawh hi kan pawhsei a ni,” a ti.

PC Lalthanliana chuan, PwD Commissioner turin danah chuan sorkar hnathawk promotion anga kal tur a ni kher lo tih a sawi a; an harsatna chu MSU hruaitute pawh a sawipui tawh thu leh, B Sairengpuii pawh a titipui tawh thu a sawi bawk. www.vanglaini.org

Media zawhna chhangin B Sairengpuii chuan, zirlaite nawrna vanga bân a tum loh thu sawiin, Commissioner a nihin tu emaw kaisanna a dâl lo niin a sawi a; rualbanlote nen an inhmuthiam lo nia an sawi chungchangah, thu dik tâwk lo nia sawiin, kum 2012-a Commissioner pisa a luah tirhah rualbanlote’n lungawi lohna lantir mah se, a hnuah harsatna leh duh lohna an siamsak tawh lo niin a sawi. www.vanglaini.org

B Sairengpuii chuan, state-a PwD Commissioner hna thawk turin sorkara secretary chin nih a ngai nia sawiin, tuna sorkara secretary thawk lai tan thawh duh chi a ni lo a, amah aia thawk àwm an awm bik lo niin a sawi. Mizoram sorkarin amah an duhsak bik vanga ruai nawn leh hun pawtsei ni loin, danah Commissioner hna chu kum nga thawh tur a nih avangin a thawk zui rih niin a sawi bawk. www.vanglaini.org

PwD Act hi Mizoramah February 1996-ah hman ṭan a ni a; PwD Commissioner hna chu kum 2008 aṭangin Social Welfare secretary B Sairengpuii’n a kawp a, January 2010-ah Mizoram sorkar chuan PwD Commissioner post chu a hranpa liau liaua a siam hnuah leh B Sairengpuii chu sorkar hna aṭanga a pension hnuah kum 2012 khan PwD Commissioner atan dah a ni. www.vanglaini.org

PwD Act-in state-a PwD Commissioner ni thei a sawiah chuan, thiamna (qualification) ziah lan a ni lo a, ‘Rualbanlote enkawlna kawnga tawnhriat (experience) nei’ tih a ni.

– See more at: http://www.vanglaini.org/tualchhung/48824#sthash.noKg1qr1.dpuf

Facebook Comments
Leave a Reply