March 1 aṭangin taxi intlan chhâwk Lirthei dang pawh zir chian tum a ni

March 1 aṭangin taxi intlan chhâwk Lirthei dang pawh zir chian tum a ni

Aizawl khawpuia lirthei tâwt lutuk tihziaawmna atan March 1, 2016 aṭangin Aizawlah taxi intlân chhâwktir a ni dawn. Lirthei dang pawh intlân chhâwk a ngaih leh ngaih loh zir chian a ni dawn. www.vanglaini.org

Coordination Committee on Traffic Management chu nimin khan an chairman, Home minister R Lalzirliana hoin a pisaah an ṭhukhawm a; meeting hmasaa ruahmanna an lo siam tawh angin, khawpui tâwt lutuk tihziaawmna atan March 1 aṭangin Aizawla lirthei intlân chhâwk turin thutlukna an siam a ni. Intlân chhâwk dan tur ruahman chu Traffic SP kutah an dah. www.vanglaini.org

Lirthei dang intlân chhâwk chungchang pawh meeting-ah hian sawiho a ni a, intlan chhawk a ngaih dawn leh dawn loh uluk taka zir chiang turin traffic police-te tih an ni. www.vanglaini.org

Committee chuan, Aizawl khawpuiah lirthei a pun zel avangin lirthei dahna ruahman ngai an tih thu an sawi a, “Khawpui chhunga sorkar hmun ruakte chu lirthei dahna atana enho a, chung hmunahte chuan Committee-in lirthei dahna siam ṭha a tih chuan bawhzui ni se,” an ti a; sorkar hmun enho tura an tihte an ziak chhuak nghal.

Tun hma lama Committee-in Melthum dáia city bus dinna tura ruahmanna an lo siam tawh chu bawhzui ni se, an ti. Melthum dâiah hian city bus terminal sak tum a ni a, Ngaizela city bus ding ṭhinte chu sawn an rel a ni. Hei hian Ngaizel pheia maxi-cab leh city bus ding tam lutuk a tihziaaawm bakah, Ngaizel piah lama awmte pawhin city bus an chhawr ṭangkai theih an beisei a ni. www.vanglaini.org

Melthum dáia city bus terminal sak chu AMC bawhzui tura tih a ni a, sum mamawh tur pawh AMC ngaihtuah tura tih a ni. Coordination Committee on Traffic Management chuan, hunpui hman zawh takah lirtheia chetsualna a tlem chu lawmawm an tih thu an sawi a; hunpuia dan leh thupek kengkawh hna thawktu, police, traffic police, excise mite leh enforcement staff-te hnathawh chu lawmawm an tih thu an tarlang.

– See more at: http://www.vanglaini.org/tualchhung/48823#sthash.AKpWiJt3.dpuf

Facebook Comments

Add a Comment