Posted on

Power smart meter hman tum a ni Pre paid-a power man tih tum lo

Power smart meter hman tum a ni Pre paid-a power man tih tum lo

Sorkar laipuia Ministry of Power chuan India ram pumah ‘Smart Meter’ hman turin ruahmanna a siam mek a, hei hi Mizoramah pawh hman a la ngaih ve dawn thu, Joint Electricity Regulatory Commission (JERC) for Manipur and Mizoram hotute chuan an sawi. www.vanglaini.org

JERC hotute chuan, sorkar laipuiin ‘Smart Meter’ a duang chhuak a, chu chu India ram puma hman tura tih a ni. Smart metre hi JERC pawhin an zir chiang tawh a, Mizorama hman ve tlaka ngaih a nih avangin hman a nih hunah Mizoramah pawh la hman ve tum a nih thu an sawi a ni. www.vanglaini.org

Hetih lai hian, JERC hotute chuan, kawlphetha hman man pek dan kalphung thar, Pre-paid Energy Meter (PEM) chu Manipur-ah hman ni tawh mah se, Mizoramah chuan State Advisory Committee-in an sawiho hnuah, Mizo mipuiin electric bill an pek ṭhat rih avangin Mizoramah hman ve tumna a awm rih lo tih an sawi.

JERC Mizoram hotute chuan, “PEM hi a thuphungin kan ngaihtuah tawh a, Mizoramah consumer-te an rinawm a, bill bá a tam lo. Pre-paid meter man hi Rs. 2,000 chuangte a nih avangin tih tumna a awm rih lo,” an ti a; sorkar laipui aṭanga hman ngei tura tih a nih erawh chuan la hman tur a nih thu an sawi a ni. www.vanglaini.org

JERC hotute chuan, PEM kalphung chu Manipur-ah chuan an hmang tawh tih sawiin, an hman chhan chu – mipuiin electric bill an pek ṭhat tâwk loh vang te, electric pawh rûk a tam vang leh, chu mi tihbona tur a nih thu an sawi a, “Mipuiin electric bill an pek ṭhat theih nana ruahman a ni,” an ti. www.vanglaini.org

JERC for Manipur and Mizoram ruahman angin, PEM hi kum 2012 khan Imphal-ah hman ṭan a ni a, tunah chuan Manipur-a khaw lian zual – Imphal, Thoubal, Kakching, Chandel, Churachandpur, Bishnupur, Kangpokpi, Senapati, Ukhrul, Tamanglong leh Jiribam-te an tuam chho mek. www.vanglaini.org

PEM hnuaiah hian kawlphetha hman man pek lâwk a ni a, thla tin meter box enfiaha bill siam a ngai loa, thawktute tan a awlsam phah hle. Kawlphetha hman man sum an pek lâwk chu an hman zawh chuan an titâwp mai ṭhin. www.vanglaini.org

JERC hotute chuan, PEM chuan ṭhatna tam tak a nei tih sawiin, “Chhungkaw sum hman dan tur a tifelfai a, inrenchemna atan a ṭangkai hle. Sorkarah sum lut tur dik tak a luh theih phah a, power bothlau a tlem phah bawk,” a ti.

– See more at: http://www.vanglaini.org/tualchhung/48702#sthash.ZpNejvmb.dpuf

Facebook Comments
Leave a Reply