Posted on

KṬP General Conference leh HSLC result (VANGLAINI ZIRCHIANNA)

KṬP General Conference leh HSLC result (VANGLAINI ZIRCHIANNA)

Mizorama kohhran ṭhalai inkhawmpui lian ber, KṬP General Conference neih leh HSLC exam inrual ṭhin avangin sawi neuh neuh a awm ṭhin a; KṬP General Conference leh Chapchar Kût inrual zauh zauh avangin titi a siam fo bawk.

KṬP General Conference thlengtu khuate’n mikhual an ngah ṭhin a, mikhual 100 chuang neite pawh an awm ṭhin. Hei vang hian a thlengtu khuaa zirlaite zirna a khawih buaia ngaihna te, a hma lama inbuatsaihna nasa tak neih a ngaih vang leh mikhual thlen tlaia mikhual sem tura zirlai naupangte hman an nih ṭhin avangin matric result pawhin a tawrh phaha ngaih theih turin sawi a awm fo.

Vanglaini chanchinbu chuan tun hnai kum nga chhunga HSLC result leh KṬP General Conference thlengtu khaw pathum Mamit, Thenzawl leh Khawzawl khua high school hrang hranga HSLC result-te a zir chiang a ni. Zirchiannaa a lan danin, KṬP General Conference inbuatsaihna leh conference laia chhehvel boruak avangin a thlengtu khuaah matric result a chhiat phah chuang lo nia hriat a ni.

– See more at: http://www.vanglaini.org/tualchhung/48715#sthash.YDTnz1nJ.dpuf

Facebook Comments
Leave a Reply