Posted on

Online shopping-ah chhiah la dawn Cabinet-in Land Acquisition Bill a pawm

Online shopping-ah chhiah la dawn Cabinet-in Land Acquisition Bill a pawm

Cabinet-in The Mizoram Entry Tax Rules, 2015 a pawm tâk avangin online shopping (internet) hmanga bungraw chah luh aṭangin entry tax lak a ni dawn. Hetih lai hian, Cabinet chuan The Mizoram (Land Acquisition, Rehabilitation and Resttlement) Bill, 2015 a pawm. www.vanglaini.org

Taxation department hotute hnen aṭanga Vanglaini thu dawn danin, The Mizoram Entry Tax Rules, 2015 hi Mizoram chhunga bungraw lak luh ṭhin, chhiah lak ngaih lohnate aṭanga chhiah lakna tur a ni a; he dan thar hi hman a nih chuan Mizoramin chhiah aṭangin kum khatah cheng nuai 300 vel hmuh belh theih beisei a ni.

Dan hi hman a nih chuan online shopping buaipuitute’n entry tax an pek a ngai tawh dawn. Taxation department-te chuan bungraw phurh luhna hmun leh chah luhna hmunahte bungrua an endik ang a, chutah chuan The Mizoram Entry Tax Rules-in a huam bungruate aṭangin entry tax lak a ni ang. www.vanglaini.org

Zawhna chhangin Taxation department hotute chuan, “Online shopping buaipuitute’n entry tax an pek bungraw manah an chhiar tel dawn leh dawn loh kan hre lo. An thuneihna turah kan dah,” an ti. www.vanglaini.org

The Mizoram Entry Tax Rules hmang hian department, contractor leh mimalin bungrua an lak luh, tihral tur kher ni lo aṭang pawhin entry tax lak a ni dawn. Entry tax hi group 45-ah ṭhen a ni a, group khatah hian item eng emaw zat telh a ni. Group pasarihah chuan entry tax 2% lak a ni a, a bak zawngah chuan 4% lak a ni ang.

Tun dinhmunah Mizoramin Land Acquisition Act a nei lo a, dan nei tur hian Land Revenue & Settlement (LRS) department a inbuatsaih mek. Thawhṭannia Cabinet meeting chuan The Mizoram (Land Acquisition, Rehabilitation and Resttlement) Bill, 2015 duan chu a pawm a ni. www.vanglaini.org

Bill duan dan chuan, sorkarin mimal ram a lak dawna zangnadawmna pek zat tura tehfung pawimawh ber pakhat tur chu, a bul hnai khua emaw, ram ruak emawa ram man hlutna ang a ni ang. In leh lo an laksak, hmun danga ram nei tawh lote hnena ram pek bakah, chhawmdawl zui dan tur kawng hrang hrang pawh tarlan a ni. www.vanglaini.org

Thingtlanga chengte in laksak an nih chuan, Indira Awas Yojana dung zuiin an in tur ngaihtuahsak an ni ang a, an duh chuan in sakna senso tur zat ang pek theih a ni. Khawpuia chengte in laksak a nih chuan, square metre 50 aia zím loah in sak sa ngaihtuahsak tur a ni a; in duh lo an awm chuan in sak ṭanpuina cheng nuai 50 aia tlem lo pek a ni ang. In leh lo laksakte chu an insawnna tur atan transporation cost tumsak vek an ni ang a, transportation cost-ah hian Rs. 50,000 aia tam lo pek theih a ni. www.vanglaini.org

Khaw pumpui lak a ngai a nih chuan, an in leh lo mai bakah, sikul, biak-in, buhfai zawrhna, thlai chi, public transport, kawng, community hall, zirna in, khelmual, thlanmual, health sub-centre, electric connection, vantlang inthiarna leh khuaa awm tura thil pawimawh dang hrang hrangte dinsak tur a ni.

– See more at: http://www.vanglaini.org/tualchhung/47640#sthash.ZZT4xtfm.dpuf

Facebook Comments
Leave a Reply