Posted on

SIPMIU-in Chite lui kamah Aizawl khawpui Thli paihna leh sawngbawlna tur siam mek

SIPMIU-in Chite lui kamah Aizawl khawpui Thli paihna leh sawngbawlna tur siam mek

State Investment Programme Management and Implementation Unit (SIPMIU), Mizoram chuan Aizawla êk thli leh tui chhe paihna tur an buaipui mekah, a thawh khatna atan veng 19-te thli paihna tur siam hna an thawk mek a; thli paih khawmna tur leh a tihthianghlimna tur, Sewerage Treatment Plant pawh Chite kamah an siam mek. www.vanglaini.org

SIPMIU aṭanga thu dawn danin, thli paihna tur Sewerage Network siam hna chu Tantia Construction Ltd. Kolkata-in an thawk a, Sewerage Treatment Plant siam hna chu Eco Protection Engineer Pvt.Ltd., Chennai-in an thawk thung. www.vanglaini.org

Aizawl thli paihna tur siam mekah hian a thawh khatnaah Aizawl chhuah lama veng ṭhenkhat – Aizawl Venglai, Ramthar Veng, Ramthar North, Ramhlun, Tuithiang, Chite, Upper Republic, College Veng, Venghlui, Saron Veng, Dawrpui, Electric Veng, Chhinga Veng, Armed Veng, Armed Veng South, Zarkawt, Chanmari, Bethlehem Veng leh Bethlehem Vengthlangte thli paihna tur siam a ni. www.vanglaini.org

Sewerage Network atan hian kawngpui sirah pipe phûm mek a ni a, tluang taka hna thawh a nih chuan kum 2018-ah zawh hman beisei a ni. Tuna veng ṭhenkhat an siam tawhah chuan, 2016 kum tawp lamah a paih khawlna leh tihthianghlimna hmun Chite-a an siamah an hman ṭan theih beisei a ni.

Sewerage Network hmangin hian pipe hmangin septic tank aṭangin êk leh thlite paih tur a ni dawn a, tuna motor hmanga paih ang hi a ngai tawh dawn lo a, mipui tan a ṭangkai hle tura an ngaih thu SIPMIU hotute chuan an sawi. www.vanglaini.org

SIPMIU-in Sewerage Network atana hma a lakna hi Asian Development Bank sum hmanga siam a ni a; Aizawla veng hrang hranga mihring pun zel dan tur chhût chunga tih niin, kum 2030-a mihring awm zat tur leh kum 2045-a awm zat tur thlenga chhût lâwk a ni.

A thawh khatnaa Aizawla veng 19 tana siamah hian kuminah mi 94,459 an chêng mek a, kum 2030-ah chuan mi 133,766 awm tur ang leh kum 2045-ah chuan mi 1,80,093 awm turin an chhût. www.vanglaini.org

Sewerage Network siamnaah hian hmun tam takah kawng laih chhiat a ni a, kawng laih chhiatte chu a siam ṭhat lehna tur sum project-ah a awmsa vek thu an sawi a, “A chhilhna hmasa a awm phawt ang a, a tlakhniam hnu kum khat hnu velah blacktop pangngai takin siam ṭhat leh vek an tur a ni ang. Kawng siam lehna tur sum hi project-ah a tel vek a ni,” an ti. www.vanglaini.org

SIPMIU hotute sawi danin, Aizawla in tina thlite chu pipe hmangin lak a ni ang a, Bethlehem Vengthlang hnuaia Chite lui kama Sewerage Treatment Plant-ah a luang lut ang a; Plant-ah chuan sâwngbâwl a ni ang. www.vanglaini.org

– See more at: http://www.vanglaini.org/tualchhung/47591#sthash.CO16fnyK.dpuf

Facebook Comments
Leave a Reply