Posted on

MIZORAM SORKAR HNUAIA PUBLIC SECTOR ENTERPRISE RESTRUCTURING CHUNGCHANG

MIZORAM SORKAR HNUAIA PUBLIC SECTOR ENTERPRISE RESTRUCTURING CHUNGCHANG

Mizoram sawrkar hnuaia Public Sector Enterprise panga zinga pathum – ZENICS, ZOHANDCO leh MAMCO te chu zirhona chi hrang hrang neih a nih hnuah sawrkar chuan khar (closure)turin a titlu ta a, ZIDCO chu restructuring tur leh MIFCO chu Privatiseturin a ti a ni.

Heng corporation te hi bul tanna tur sawrkar-in tum sakin, anmahni inenkawlna tur bakah sum leh paite thawk chhuaka sawrkar-a chhung lut tura beisei an ni a. Amaherawhchu chhan hrang hrang avangin heng corporation te hian sum leh paiah harsatna an tawk chho ta reng a, kum rei tak chhung chu sawrkar tana hlawkna lam aiin, a thawktute hlawh leh  anmahni inenkawlna tur pawh thla tinin sawrkar atangin pek an ni ta a. Hei hi a thawktute thiam loh ngawr ngawr pawh a ni chuang lo va, hlawk tur khawpa corporation enkawl hi Mizoram te ang State te tan chuan a harsa ve hrim hrim a ni.

Hetiang hi kan dinhmun a nih avangin kum 2001-02 atanga 2007-08 chhunga C&AG Reports chuan Mizoram Sorkar chu heng corporation-te performance siam tha tur leh, chu chu a harsa a nih chuan khar (closure) tura hma la turin thu a lo rawn tawh a. Hemi bawhzui nan hian Cabinet vawi engemaw zat remtihnain Mizoram Public Resource Management Program (MPRMP) hnuaiah Sorkar chuan a zirchiang turin kum 2010-2011 khan Deloitte firm a mi PSE Specialist a ruai a. PSE Specialist chuan March 2010 thlenga kum nga chhungah hian kan corporation te financial performance leh socio­economic performance te zir chiangin, July 2011 khan Report a thehlut a.

A report thehluha a Ian dan tlangpui chu hei hi a ni.

PSEs

Op.

Rev.

Operating Profit/Loss

Operating P/L Margin (%)

Net P/L

Net P/L Margin (%)

Net Worth

Accumu­lated P/L

ZENICS

3.1

-110.8

-3612%

-24.3

-793%

63.6

-659.3

ZOHANDCO

0.9

-90

-10212%

-94.3

-10691%

143.6

-736.6

MAMCO

40.3

-70.4

-175%

-79.7

-198%

198.4

– 373.7

MIFCO

50.6

-214.5

-424%

-164.8

-326%

166.6

– 1833.4

ZIDCO

70.7

-126.5

-179%

-138.5

-196%

-382.6

– 1960.7

TOTAL

165.5

-612.3

 

-501.6

 

189.6

– 5563.7

Hengte avang leh kum lo kal zel tura Sorkar sum sen belh tur hisapin, PSE Specialist chuan Corporation panga zinga pathum viz ZENICS, ZOHANDCO leh MAMCO te hi khar (Closure) ni se, tin, ZiDCO chu Restructuringturinleh MIFCO chu Privatize nise tiin a recommend ta a ni.

Finance Department chuan Report hi a han zir chiang a. Hemi hnu kum nga chhung (2011-12 to 2014 -15) chhunga Mizoram sawrkar-in PSE te enkawlna tura a sum a pek chhuah chu Rs. 4742.99 lakhs a ni a,  report hun hnu lama an Financial Report te a han zir chiang leh a, hengte hi a hmuh dan a ni.

Name of PSE

Loss as on Mar/09

Profit (+) /Loss (in lakhs)

Progresive Loss on 31.3.2014

2009 – 10

2010 – 11

2011 – 12

2012 – 13

2013 – 14

ZENICS

634.99

24.32

110.54

46.1

Report not submitted

-815.95

ZOHANDCO

642.33

94.25

(+) 5.96

191.94

Report not submitted

– 922.58

MAMCO

464.20

76.65

102.31

162.88

Report not submitted

-806.04

MIFCO

1668.59

164.82

61.34

38.2

56.19

55.31

– 2044.45

ZIDCO

1822.17

142.22

48.75

83.54

135.84

– 2232.52

TOTAL

5232.28

502.26

316.98

522.66

192..03

55.31

6821.56

Hetiang hi thil awm dan a nih avang leh hun lo la kal zel turah pawh heng Corporation te hi Sorkar tan hlawkna lam aiin Sum sen belh zelna tur nia hriain, Mizoram sawrkar chuan Deloitte recommendation hi kal tlang pui turin ngaihtuahna a lo siam ta a. Amaherawhchu heng corporation kharte hi thil awlai a nih loh bakah a hnathawkte awm zel dan tur kawngte ngaihtuah a ngaih avangin Sorkar tan pawh thutlukna siam mai a harsa a. Chuvangin a concerned Secretary te ngaihdan pawh lak vek a ni a. Cabinet Meeting pawhin vawi eng emaw zat a ngaihtuah hnuah ni 18.2.2015 ah khan Public Sector Enterprise Restructuring Program chu a lo pawm ta a, chutah chuan heng PSE/PSU pathum -ZENICS, ZOHANDCO leh MAMCO te hi khar tura tih a ni a, ZIDCO leh MIFCO te erawh chu hnathawkte tihtlem (downsize) a, siamthat (restructure) tura tih a lo ni ta a ni.

Hetia PSE thenkhat khar tur a lo nih takah chuan a DP&AR te rawnin PSE thenkhata hnathawk thenkhatte sawrkara chhawr zui theih dan kawng hrang hrang a ngaihtuah a. State danga an practice hrang hrangte zir chian a nih hnuah, State dangin offer an pek aia tha zawk chu chhawp chhuakin, a hnuaia kawng hnihte hi heng PSE pathum hnuaia employee zawng zawngte’n a engemaw zawk zawk duh thlan turin a siam a –

(i)         Early Retirement Rule (ERR), 2015 hmanga hnathawkte chawlhtir. Hei hian heng hamthatnate hi a keng a : a) 45 days salary for each completed years of service; b) 15 days salary for each remaining service c) Leave salary; d) Gratuity as per existing Govt. Pension rules

emaw

(ii)        Mizoram Sorkar hnuaia Group B (Non Gazetted), C leh D-a luh theihna tur ngaihtuah. Hei hi DPC hmanga screening neih tur a ni a, age relaxation pawhsiama ni. Chhan eng emaw avanga Sorkar hnathawk tura lut thei lote chu ERR hmanga retire tur a ni ang.

Early retirement hi State dangah pawh an kalpui dan tlangpui a ni a, ERR-2015 hnuaia retirement benefit phei hi chu an tlukpui Sorkar hnathawk pangngaite’n pension-a an lak theih zat aia tam zawk tak a ni. Tunah hian he Cabinet thutlukna hi Finance Department chuan a bawhzui mek a. PSE hnathawkte chu kumin 2015 December thla thlenga an hlawh tur ruahmanin, January 2016 atanga ERR-2015 hnuaia retirement benefit te leh Government appointment te a hma thei ang bera tihfel tumin hma lak mek a ni. PSE-a Group A’ leh Group ‘B’ thawkte pawh sawrkara Group ‘B’ (Non-Gazetted) post awm remchan theih dan leh anmahnin an tlin (fit) dan anga la ngaihtuah zel tur a ni ang. Heng thilte zawh fel a nih hnuah ZIDCO leh MIFCO restructuring lam sawrkar chuan a la hawi leh dawn a ni.

Source: https://dipr.mizoram.gov.in/

Facebook Comments
Leave a Reply