Aizawlah Zero Tolerance Drive kalpui ṭan

Aizawlah Zero Tolerance Drive kalpui ṭan

Aizawl traffic police-te chuan nimin aṭang khan Aizawlah Zero Tolerance Drive an kalpui ṭan a, lirtheite document an neih fel leh fel loh an enfiah. www.vanglaini.org

Traffic SP C Lalthanmawia chuan nimin khan a pisaah thuthar thehdarhtute thingpui inpuiin an inkâwm a; Zero Tolerance Drive chu hmun thlan bikah kalpui ngawr ngawr loin, hmun hrang hrangah a remchan angin an ti kual dawn tih a sawi a, “Hmun thlan bikah chauh kan tih chuan min hêl ru ṭhin a. Enfiah tawhte pawh check slip kan pe dawn lo a, a chhan chu kum hmasa lamah driver-te zingah check slip lo inpe chhawng an awm ṭhin vang a ni,” a ti. www.vanglaini.org

Zawhna chhangin Traffic SP chuan, kumin Krismas dawn hnaiah Aizawlah No Vehicle Zone neih a nih dawn leh dawn loh sawi theih a la ni lo tih a sawi a, thuneitute’n an la ngaihtuah dawn thu a sawi. Krismas vuakvetah mipuite him zawk nan leh khawpui a ralmuan zawk theih nan Traffic Control Room-a enforcement squad-te’n a ṭulna hmun apiangah vâk chhuakin lirthei an endik ṭhin thu sawiin, “Breath analyser nen kan thawk chhuak ṭhin,” a ti. www.vanglaini.org

C Lalthanmawia chuan, mipuite chu dan zâwm turin a ngen a; thingtlang mite pawh Aizawlah lirthei an khalhin, lirthei tlan dan phung (traffic movement) hriat tum se an duh thu a sawi bawk. www.vanglaini.org

Zawhna chhanga Traffic SP sawi danin, Aizawlah traffic point 22 a awm a, point ni chiah lo, dinna hmun nghet anga an neih hmun 12 a awm. Traffic SP hnuaiah sanction post 268 awmah post 217 luah mek a ni a, post ruak 51 a awm. Armed police leh IR police aṭangin police 98 chu traffic-ah dah mek a ni bawk.

– See more at: http://www.vanglaini.org/tualchhung/47226#sthash.nT6xroDC.dpuf

Facebook Comments

Add a Comment