Mizoten Banking Ombudsman hmang ṭangkai lo

Mizoten Banking Ombudsman hmang ṭangkai lo

Reserve Bank of India-in hmarchhak state pasarihte Banking Ombudsman atana a ruat, Anand Prakash chuan hmarchhak state zingah Mizoram chu Banking Ombudsman hmang ṭangkai lo ber pakhat a nih thu a sawi. www.vanglaini.org
Anand Prakash hian nimin chawhnu khan Aijal Club-ah chanchinthar thehdarhtute kâwmin, bank dawrtute’n an harsatna leh lungawi lohnate an thlenna tur Banking Ombudsman Scheme, 2006 chungchang a sawifiah a ni.

Anand Prakash chuan, Mizoramah Banking Ombudsman hman ṭangkai a ni tawk lo tih a sawi a; hei vang hian bank dawr ṭhintu mipuite’n lungawi lohna an neihin harsatna thlenna tur Banking Ombudsman a awm tih an hriat thar a ṭul thu a sawi. www.vanglaini.org

Zawhna chhanga Prakash-a sawi danin, bank dawrnaa lungawi lohna nei chuan a hmasa berin, branch manager hnenah complaint a thehlut tur a ni a, bank-in ni 30 chhungin a chhang ang. Bank-in a duhkhawp chhanna a pek loh chuan Banking Ombudsman hnenah a zualko thei a, Ombudsman chuan a lo bawhzui dawn a ni. www.vanglaini.org

Banking Ombudsman (North East Region) Guwahati leh State Bank of India ṭangkawp chuan nimin vek khan Aijal Club-ah Banking Ombudsman chungchang zirhona an buatsaih a, Finance additional secretary Lalropara khuallian niin, YMA, MHIP, MUP leh bank hrang hranga thawktute an tel. www.vanglaini.org

Banking Ombudsman Anand Prakash chuan, kum 1995 aṭangin Banking Ombudsman kalpui a nih thu sawiin, “Nikum khan bank laka lungawi loh vanga Banking Ombudsman-a zualko 85,000 an awm a, chung zinga 770 chu hmarchhakah a ni a, Mizoram aṭangin zualkona 10 chiah a lut a ni,” a ti.

Anand Prakash chuan, Banking Ombudsman-a zualko dawnah ziakin emaw, online hmangin www.bankingombudsman.rbi.org.in ah a thlen theih a nih thu a sawi a; zualkona thu chu Ombudsman-in an chhuizui hnua a dik ngei a nih chuan, harsatna tâwktu thil hloh azirin zángnadawmna cheng nuai 10 thleng pek theih a nih thu a sawi bawk. www.vanglaini.org

Banking Ombudsman-a zualko theihna chhan ṭhenkhatte

@ Bank-in chhan ṭha tawk awm loa pawisa dah luh tur a dawn duh loh leh dah luh man an lakin.
@ Cheque, draft, bill, etc. te a pek chhuah duh loh leh a tihkhawtlaiin.
@ Ram páwn aṭanga pawisa rawn thawn a pek chhuah duh loh leh a tihkhawtlaiin.
@ Hnathawh hun bituk chhunga dâwr tur an awm lohin.
@ Bank-in hamṭhatna a siamte anmahni dawrtu hnena an hrilhhriat ṭhat duh lohin.
@ Chhan ṭha tâwk awm loa account hawn an phal lohin.
@ Hriattir lâwkna awm ṭha loa chhiah an lakin.
@ Hriattir lâwkna awm lo leh chhan ṭha tawk awm loa account tihtawpsak a nihin.
@ Account tihtawp an phal loh leh an tihkhawtlaiin.

Facebook Comments

Add a Comment