Posted on

Hornbill-ah Reverse Tragedy pakhatna

Hornbill-ah Reverse Tragedy pakhatna

India ramah pawh band intihsiakna lian berte zinga mi, Nagaland-a Hornbill Festival-ah Mizoram band Reverse Tragedy chu pakhatna an ni a, Mizoram band zinga pakhatna ni thei hmasa ber an ni. An bassist, Bishal Gurung chu bass guitarist-a thlan a ni bawk.

Reverse Tragedy hian intihsiakna hrang hrangah hlawhtlinna an lo chang tawh a, chung zingah chuan Hornbill Festival hi a lian ber a nih a rinawm. Nikum khan NIT Silchar, Thunder March National Beat Contest-ah pakhatna an lo ni tawh a, kumina IIT Guwahati-a Alcheringa Rock O Phoenix-ah khan pakhatna an lo ni tawh bawk.

Reverse Tragedy hian progressive metal leh experimental rock an play a, an guitarist hi Bishal Gurung a ni a, vocals hi Chhuanawma niin, bassist hi Fela a ni a, Suraj-an drums a khawih a, Bimal-an keyboard a chang. An keyboardist hi hmun danga hun eng emaw chen a awm loh avangin hun eng emaw ti chhung chu an reh deuh a, kumin February chho aṭang khan Bimal hi rawn hawin, an intuaithar a, hlawhtlinna ropui an chang ta a ni.

Hornbill Festival-ah hian India ram hmun hrang hrang aṭangin band eng emaw zat an inlan a, finalist-ah hian band pakua langin, chungte chu Crystal and the Witches (Sikkim), October (Delhi), Reverse Tragedy (Mizoram), Grey Shack (Chennai), Tune Up Channels (Nagaland), Run Pussy Run (Pune), Ron and Me (Kolkata) leh Avancer (Nagaland) te an ni. Heng zingah hian Reverse Tragedy hi an thiam ber a, pakhatna an ni ta a ni. Pawisa faiin cheng nuai nga an dawng nghal bawk. Nikum khan Darjeeling band, Adams Apple chu pakhatna an ni.

– See more at: http://www.vanglaini.org/thalai/47202#sthash.MycnrgeO.dpuf

Facebook Comments
Leave a Reply