Posted on

Tlawng lei chim chhan sawifiah turin High Court-in Mizoram sorkar a hriattir

Tlawng lei chim chhan sawifiah turin High Court-in Mizoram sorkar a hriattir

Gauhati High Court chuan December 2, 2015 zan dar 10 vela Sihhmui leh Lengpui inkara Tlawng lei chim chu chawlhkar khat chhunga sawifiah turin Mizoram sorkar a hriattir. www.vanglaini.org

Tlawng lei chim chungchangah hian M Lalmanzuala, Chaltlang chuan December 4, 2015 khan Gauhati High Court-ah public interest litigation (PIL) a thehlut. Hetihlai hian Mizoram PWD chuan lei chim chungchangah hian Sairang Police Station-ah first information report (FIR) an thehlut. www.vanglaini.org

M Lalmanzuala PIL thehluh hi Gauhati High Court Mizoram Bench chuan pawmin, judge Michael Zothankhuma chuan thupek a tichhuak nghal. Thupekah chuan, Tlawng lei a chim fo vanga Mizoram khawthlang lam mipuite leh mipui náwlpuiin harsatna tawh ṭhin dan thlirin, PIL thehluttu thu thlente chu Court-in thil pawimawh takah a ngai tih tarlan a ni.

High Court chuan Tlawng lei chim chhan Mizoram sorkar aiawha sawifiahtu turin (respondent) Chief Secretary, PWD Secretary, Home Secretary, DGP, PWD Engineer-in-Chief, PWD Chief Engineer (Highway) leh Aizawl SP-te chu a ruat a; chawlhkar khat ral hmaa thil awmdan Court-a sawifiah turin a hriattir. Mizoram sorkar chu PIL thehluttu tarlante bakah, lei chim chhan leh thir lei thlakna tur RCC lei dawh hna thawh zawh a la nih loh chhan te, sorkarin hmalak a tum dante sawifiah turin a ti a ni. www.vanglaini.org

PIL thehluttu chuan, lei chim chhanah mipuite hnena thu dik hriattir a ṭul thu te, sorkar official fimkhur lo leh inthlahdahte hrem an ni em tih hriat a ṭul thu te, lei chim chhanah truck neituin mawhphurhna a nei em tih te, lei chim chhan chu hnathawh chhiat vang a ni em tih te, mipuite himna tura sorkar hmalakna awm lo chu thil mak a nih thu te, Court a inrawlh loh chuan mipuite’n harsatna an tawk chhunzawm zel dawna a lan thute PIL-ah a ziak a ni. www.vanglaini.org

Tlawng lei chim thuah hian lei enkawltu PWD junior engineer Vanlalhruaia chuan December 3, 2015 khan Sairang PS-ah FIR a thehlut a, police-te chu thil awm dan chhui chiang turin a ngen. Sairang PS aṭanga thu dawn danin, FIR bawhzui hian December 4 khan police-te’n a hmunah thil awm dan an enfiah.

PWD hotute chuan, a rang thei ang bera dawh ṭhat dan tur an ngaihtuah tih sawiin, sorkar laipuia Road Transport & Highways Ministry aṭangin lei thar dawhna tur sum hmuh tawh hmangin thla thum chhunga dawh ṭhat hman turin phalna an dil mek thu leh, chak taka lei dawh thei tur contractor hmuh mai tur an awm loh avangin departmental-a thawh phalna an dil thu an sawi.

PWD hotute sawi danin, lei dawh ṭha turin a hmanrua lak khawm phalna dil phawt a ni a, lei dawhna hmanruate chu Kolkata-a an leina ṭhin, Garden Reach company aṭanga chah leh a ngai dawn. Tlawng lui kân turte Buichali lei lama an kal a ngaih avangin, Buichali leh Lengpui inkar kawngpui chu PWD-in tun ṭhál chhungin thawm ṭhat an tum bawk.

– See more at: http://www.vanglaini.org/tualchhung/47165#sthash.r6Cv51zC.dpuf

Facebook Comments
Leave a Reply