Hunpuia mipui himna atan police-in Zanah lirthei endik beihpui thlak ṭan

Hunpuia mipui himna atan police-in Zanah lirthei endik beihpui thlak ṭan
Krismas leh kumthar vuakvetah venhimna ṭha zawk kalpui a nih theih nan Aizawl SP hoa thurel bawhzuiin tunlai hian Aizawla police station hrang hrangte’n zanah lirthei endik beihpui an thlak ṭan. Mizoram police-a Traffic unit chuan kumin January leh November inkar khan lirthei dan bawhchhia an mante sum an chawitir aṭangin Rs. 34,63,934 a hmu. www.vanglaini.org

Police-te’n zan lama lirthei an endik kal mekah December 5, Inrinni zan khan Bawngkawna lirthei an enfiahnaah dan bawhchhia eng emaw zat an man a; lirthei khalhtu dan bawhchhiaa rinhlelhte chu breath analyser an hamtir a, dan bawhchhiah an hmuhchhuah mi 47 chu dan anga pawisa chawitir an ni a, mi pali chu Court-ah thawn an ni. www.vanglaini.org

Dan bawhchhia an man zingah hian rûi chunga lirthei khalh, driving licence nei lo leh kum tling lo lirthei khalh an tam ber a ni. Police hotute chuan, kum tlinglo lirthei khalh an tam lutuk chu nu leh pate’n an mawhphurhnaah la ngam se an duh thu an sawi a; rûi chunga lirthei khalhte chungah ngaihhnathiamna an neih theih loh thu leh, lirthei enfiah hna chu Aizawlah an kalpui zel dawn thu an sawi bawk.

Traffic police-te chuan kumin January-Novemver inkar khan lirthei dan bawhchhia an man pawisa chawitir aṭangin Rs. 34,63,934 a hmu tawh a; dan bawhchhiate chu MV Act tlawhchhana man an ni ber. An man zingah MV Act Section 177 hnuaia man an tam ber a; MV Act Section 179,181,185,196,184 leh 192 tlawhchhana mante pawh an awm.

Lirthei dan bawhchhia an man zingah hian two wheeler tam berin, 5,834 an man a; LMV 2,227, taxi 1,980, HMV 611 leh bus 84 an man bawk. www.vanglaini.org

No parking area-a lirthei dah 5,052 an man a, no entry bawhchhia 589, wrong side-a tlân 422 an man. Wrong side-a tlan an man tam tak chu Aizawl vawi khat zinna leh Aizawla lirthei tlan dan hre lote an nih thu Traffic hotute chuan an sawi. www.vanglaini.org

Lirthei tlân pangngai tibahlah (obstruct flow) theia lirthei hûng leh ding 637 an man a; chung zingah chuan passenger lak duh vanga tâwt deuha ding taxi leh mimal lirthei a hmun loa hûng an tam tih an sawi. Driving licence nei lo mi 1,464 an man a, rûi chunga lirthei khalh mi 744, insurance tifel lo lirthei 14, two wheeler helmet khum lo mi 150 an man bawk.

Registration number ziak kim lo leh tlabal te, number hmuh theih loh khawpa number plate bâl 315 an man a; traffic police-te kawhhmuh dan zâwm lo mi 847 an man. Hlauhawm taka lirthei khalh mi 192 an man a, traffic police hmuh loh lai chuha kawngpui remchang laia lirthei inher/kual (turn) mi 370 an man bawk a ni. Kual phal lohna hmuna kual/inher an man zingah taxi driver an tam ber. www.vanglaini.org

Passenger phur lirthei khalhtuin lirthei a khalh laia mei a zûk chuan MV Act 177 hmanga man theih a ni a, mei zu chunga lirthei khalh mi 58 man a ni. MV Act aiin COTPA Act hmanga hrem a nat zawk vangin COTPA hmangin an man zawk ṭhin tih Traffic hotute chuan an sawi. www.vanglaini.org

Phurh theih zat bituk aia tam phur (over seating) 34 an man a, lirthei inzui pangngai tibuaia passenger la leh din phal lohna hmuna ding 287 an man. Lirthei chhinchhiah loh (unregistered) khalh chhuah 28 an man a, lirthei khalh laia mobile phone hmang mi 108 an man bawk. A chunga tehna hrang hrang hnuaia rìn luh theih chiah loh, MV Act bawhchhe tho si 717 an man bawk a ni. www.vanglaini.org

Jan-Nov 2015 Traffic Report

Category Man zat
No parking 5,052
No entry 589
Wrong side 422
Obstruct flow 637
Driving licence nei lo 1,464
Rûi chunga khalh 744
Insurance tifel lo 14
Helmet khum lo 150
Registration no. mumal lo 315
Signal zâwm lo 847
Hlauhawm taka khalh 192
A hmun loa kual/inher 370
Mei zu chunga khalh 58
Phurh theih aia tam phur 34
Phalh lohna hmuna ding 287
Registration nei lo 28
Phone hmang chunga khalh 108
A dangte 717
Mizorama lirthei chetsualna (Traffic police record) www.vanglaini.org

Category 2012 2013 2014 2015 upto july 31
Chetsualna thleng 13 31 39 17
Nunna chán zat 9 18 22 14
Hliam tuar zat 13 40 49 20
– See more at: http://www.vanglaini.org/tualchhung/47164#sthash.THSeSEAB.dpuf

Facebook Comments

Add a Comment