Zaninah Lammual panin mipui an kalkhawm dawn Chanmari FC Vs Bethlehem Vengthlang FC

Zaninah Lammual panin mipui an kalkhawm dawn Chanmari FC Vs Bethlehem Vengthlang FC

Mizoram Premier League hmel timawitu club pahnih Chanmari FC leh Bethlehem Vengthlang FC ten zanin dar 7:30 hian Lammualah semifinal leg 1 an khel dawn. Club pahnihin player an nei ṭha a, supporter an nei ṭha bawk – zanin hi neutral supporter tan pawh inkhel en ngei chi a ni.

Kawr eng lam
I Day Football final 2015-a Bethlehem Vengthlang mipui kha an veng club-in Aizawl FC an hneh loh zawh khan beidawng se 2015 MFA Super Cup-ah khan I League club an hneh tawp lo ang.

Mipui ṭanpuina nen BVT-in an club history-a nomawi hlu ber season ṭantirhah an chawi a, amaherawhchu MFA Super Cup leh Mizoram Premier League nomawi hi khaikhin rual a ni lo. MFA Super Cup chu match khat khelh chauh a ni a, MPL4 nomawi chawi tur chuan match 17 khelh a ngai thung.

Tualchhung football history keu let chuan BVT hian Central YMA inelnaah kum 2002 khan final an thleng a, mipui ṭhahnem tak nen Lammual an pan a, Dinthar hmaah an tlawm. Kum 13 a liam meuh chuan Mizoram chhunga football inelna sang berah Dinthar thlen phak loh an thleng tawh. Bethlehem VT-in nomawi lian tham an venga hawn an duh chuan mipui ṭanpuina an mamawh, an thlen chin hi a thui tawh avangin tawp san mai chi a ni tawh lo.

BVT ṭantute hi K. Kawla Stand leh S. Malsawmtluanga Stand-ah an ṭhu ang.

Kawr pawl lam
BVT awm hma zawnga MPL-a ṭantu nei ngah ber ang hiala chhal theih Chanmari FC ṭantute hi dah hniam a thiang lo. MPL champion tawh tih takah Chanmari FC hian mumal taka au dan an thiam a, an player-te auh phur dan thiam chu thuhran ni se in au phur tham supporter an nei hrim hrim.

Supporter tam lam inzat chiahah Chanmari ṭantute an thawh hlawk zawk ṭhin, zanin hian Chanmari ṭantute Zomuanthanga Stand leh Zohminga Zote Stand-ah an ṭhu dawn. Thiam taka player-te auh phur baka BVT player-te leh ṭantute an au el dan tur hi hriat a châkawm tawh hle.

Head to Head
Chanmari leh BVT hi MPL-ah vawi li an inhmachhawn tawh a, Chanmari FC-in MPL3-ah 2-1 ve vein hnehna an chang. MPL4-ah erawh vawi hnih an inhnehtawk.

Chanmari FC chak hmasak ṭuma goal khungtu leh man of the match Laldingngheta’n MPL4-ah an veng club BVT a zawm tawh a, an inkhelh hnuhnung zawka man of match Lalruatfela pawhin BVT jersey a ha tawh. Fela leh Dingngheta hi BVT player pawimawh ve ve an ni.

Tun season-a club pahnih intawn hmasak ber ṭum chu I Day Football group stage-ah a ni a, BVT-in Chanmari tana MPL top scorer leh best forward ni tawh MS Dawngliana goal hnih hmangin hnehna an chang.

Dawngtea hian BVT tan MPL4-ah goal sarih a khung tawh a, best forward nominee-ah telh a ni. Anni bakah BVT-in Chanmari aṭanga an lakluh H. Lalremruata chu best keeper nominee-ah telh a ni a, Champhai tlangval Lalmuanawma chu best defender nominee-ah a hming a lang bawk.

Star thar Puitea
MPL3-a Mizoram Police midfielder K. Lalṭhathanga MPL-ah a lar zo lo a, an veng club BVT tan erawh MPL4-ah star player a ni. BVT jersey no. 7 Puitea hian a ke vei lamin ball a pet a, a ball pass hmuh a nuam a, a ṭhiante goal khung tur a siam sak thiam a, a hlutna belhchhah turin goal a khung thei bawk.

Puitea hi best midfielder nominee-ah telh a ni a, goal 9 khung tawh BVT tlangval hi Chanmari midfielder ten an ven uluk a ṭul ang.

Sawmfela-te unau
Chanmari FC hian H. Vanlalthlanga hnuaiah attacking football an khel a, HC Zarzoliana hnuaiah attacking game an khel zui bawk. Chanmari chhuanvawr chu Malsawmfela a ni a, MPL3-a top scorer goal khung zat goal kaw khungtu Sawmfela hian tun season-ah goal ruk a khung tawh.

Sawmfela ringawt hi ven tham a ni a, a naute pahnih Vanlalthlamuana leh Lalnunmawia te an la awm cheu. Thlamuana hi MPL4-ah man of the match-ah vawi thum ngawt thlan a ni tawh a, goal nga a khung tawh bawk.

Sawmfela te unau bakah Chanmari FC-in MPL1 best player R. Laldanmawia an nei a, Sialhawk Express hian goal nga a khung tawh. Chanmari tlarhma goal khung tur BVT tlarhnunga awm Laldinliana leh MS Dawngzela (Notea) ten dan a tum tur hi a hmuhnawm khawp ang.

SEMIFINAL KALKAWNG
ROUND 1

Bethlehem VT   2-1   Mizoram Police
BVT : Laldingngheta 43′; Lalrinchhana 77′
MPFC : Lalfakzuala 14′
MoM : Lalruatfela Zote, BVT

Luangmual FC   0-3   Chanmari FC
CFC : Rochhingpuia 62′; Ramengmawia 87′, 90′.
MoM : Ramengmawia, CFC

ROUND  2
Bethlehem VT   0-0   Zo United FC
MoM : Lalrammawia, BVT

Aizawl FC   3-2   Chanmari FC
AFC : Lalṭhakima 60′; Albert Zohmingmawia 79′; F. Lalrinpuia 83′.
CFC : R. Laldanmawia 11′; Malsawmfela 90+1′.
MoM : Lalṭhakima, Aizawl FC

ROUND 3
Aizawl FC   3-1   Bethlehem VT
AFC : Alfred Kemah Jaryan 15′, 64′; F. Lalrinpuia 65′.
BVT : Lalṭhathanga 24′.
MoM : Alfred Kemah Jaryan, AFC

Chanmari West   2-5   Chanmari FC
CWFC : Lalramliana 17′; Vanlalbiaa Chhangte 84′.
CFC : Malsawmfela 39′; R. Laldanmawia 44′, 47′, 57′; Rochhingpuia 90+2′ (P).
MoM : Laldanmawia, DFC

ROUND 4
Bethlehem VT   1-2   Luangmual FC
BVT : MS Dawngliana 44′.
LFC : Francis Zonuntluanga 54′; Laldinliana Varte 90+3′.
MoM : Francis Zonuntluanga, LFC

Chanmari FC   1-0   Zo United FC
CFC : Lalrozama 86′
MoM : Lalrozama, CFC

ROUND 5
Bethlehem VT   2-2   Dinthar FC
BVT : Laldingngheta 45′; Lalṭhathanga 52′.
DFC : Samuel Laltlanthanga 37′, 58′(p).
MoM : Samuel Laltlanthanga, DFC

Chanmari FC   2-1   Mizoram Police
CFC : Malsawmfela 9′; Lalnunmawia 28′.
MPFC : Lalfakzuala 12′
MoM : Lalrinchhana, CFC

ROUND 6
Chanmari West   1-3   Bethlehem VT
CWFC : Lalbiakhlua 14′.
BVT : Lalṭhathanga 19′; MS Dawngliana 49′, 60′.
MoM : MS Dawngliana, BVT

Dinthar FC   1-0   Chanmari FC
DFC : Lalramliana 76′
MoM : MC Lalneihsanga, DFC

ROUND 7
Chanmari FC   2-2   Bethlehem VT
CFC : Lalrinchhana 11′; Malsawmfela 42′.
BVT : Lalrammawia 38′; Lalruatfela Zote 84′
MoM : MS Dawngliana, BVT

ROUND 8
Bethlehem VT 1-1 Chanmari FC
BVT : K. Lalthathanga 89′(P)
CFC : Lalrinchhana 14′
MoM: F. Lalmuanawma, CFC

ROUND 9
Chanmari FC   2-1   Dinthar FC
CFC : Ramengmawia 4′, 28′
DFC : Vanlalthanga 7′
MoM: Ramengmawia, CFC

Bethlehem VT   2-1   Chanmari West
BVT : MS Dawngliana 45’+2 (P); K. Lalthathanga 58′.
CWFC : Zosangliana Sailo 40′ (P).
MoM: Ramfangzaua, BVT FC

ROUND 10
Mizoram Police   0-3   Chanmari FC
CFC : Malsawmfela 5′; Lalrinchhana Tochhawng 16′; Vanlalthlamuana 56′.
MoM: Vanlalthlamuana, CFC

Dinthar FC   2-2   Bethlehem VT
DFC : Lalmuansanga 40′; Vanlalthanga 68′.
BVT : MS Dawngliana 10′; Lalṭhathanga (Puitea) 75′.
MoM : Vanlalthanga, DFC

ROUND 11
Zo United FC   2-1   Chanmari FC
ZUFC : Zothansanga 32′; Isak Vanlalpeka 83′
CFC : Vanlalthlamuana 36′
MoM: Ricky Lallawmawma, Zo United FC

Luangmual FC   0-6   Bethlehem VT FC
BVT : MS Dawngliana 6′, 52′; Laldingngheta 22′; K. Lalthathanga 51′, 56′; R. Lalrinsanga 61′
MoM: Laldingngheta, BVT

ROUND 12
Chanmari FC   4-1   Chanmari West FC
CFC : Malsawmfela 18′ (P); R. Laldanmawia 33′; David Lalchhuanawma 52′; Vanlalthlamuana 71′
CWFC : H. Lallianzama 90’+1′
MoM : Vanlalthlamuana, CFC

Bethlehem VT FC   3-2   Aizawl FC
BVT : R. Lalrinsanga 5′, 20′, 79′
AFC : Alfred Kemah Jaryan 52′; F. Lalrinpuia 64′
MoM : R. Lalrinsanga, BVT

ROUND 13
Chanmari FC   0-1   Aizawl FC
AFC : Brandon VL Remdika 27′
MoM : R. Malsawmtluanga, Aizawl FC

Zo United FC   0-2   Bethlehem VT
BVT : K. Lalṭhathanga (Puitea) 27′; Laldingngheta 46′
MoM : K. Lalṭhathanga, BVT

ROUND 14
Chanmari FC 4-0 Luangmual FC
CFC : K. Lalchhanhima 37′, 46′; Vanlalthlamuana 26′, 30′
MoM : Vanlalthlamuana, CFC

Mizoram Police 0-0 Bethlehem VT
MoM : Andrew Lalhmingliana, MPFC

– See more at: http://www.vanglaini.org/infiamna/47011#sthash.7Ea0jyiL.dpuf

Facebook Comments

Add a Comment