World Disabled Day hman a ni

World Disabled Day hman a ni

Nimin khan Ramhlun Indoor Statdium-ah World Disabled Day hman a ni a, Social Welfare minister PC Lalthanliana’n a hmanpui. He hunah hian kum 2011 chhiarpuiah Mizorama mihring awm mi 10,97,206 zingah rualbanlo 15,160 an awm thu tarlan a ni. www.vanglaini.org

Social Welfare Minister chuan, rualbanlote tana thawktu mimal leh pawl (NGO) ṭhahnem ngai taka thawktu zawng zawngte hnenah sorkar aiawha lawmthu a sawi a; inpekna thar nen an hnathawh ṭheuhte ṭhahnemngai taka chhunzawm zel turin a chah. www.vanglaini.org

Mizoram sorkarin rualbanlote’n hamṭhatna an dawn tur ang an dawn theihna tur leh an chanvo dik tak an chan theihna turin theihtawpin hma a lak reng thu sawiin, PC Lalthanliana chuan, “Handicapped Training Centre, Lunglei leh Aizawlah neih a ni a, heng hmunah hian puanṭhui, pheikhawk siamte zirtir an ni,” a ti.

PC Lalthanliana hian rualbanlo thlanchhuahte hnenah hearing aid, wheelchair leh an mamawh tur bungruate a hlan nghal a ni. www.vanglaini.org

World Disabled Day hi Social Welfare department, Persons with Disabilities Commissioner office, SCERT, Health department, SSA, RMSA, NIOH Regional Office leh rualbanlote tana din tlawmngai pawl hrang hrang ṭanghoin an buatsaih a ni.

– See more at: http://www.vanglaini.org/tualchhung/47057#sthash.DBcaaGAH.dpuf

Facebook Comments

Add a Comment