Posted on

Sihhmui bula Tlawng lei a chim Mi pakhat a thi, mi pakhat a hliam

Sihhmui bula Tlawng lei a chim Mi pakhat a thi, mi pakhat a hliam

December 2, 2015 zan dar 10 vel khan Lengpui Airport kawng, Sihhmui bul Tlawng lei (bailey bridge) chu tipper lianin a zawh laiin a chim a, truck-a chuang mi pakhat thiin, pakhat dang a hliam. www.vanglaini.org

Thu dawn danin, Tlawng lei hi ft. 200-a sei a ni a, Aizawl pana tlân Lalhriatpuia, Ṭhuampui, Aizawl tipper lian (AMW 3118 TP), MZ-01 J-0741 in a zawh laiin lei lái velah a chim a; tipper-ah hian driver leh handyman an chuang. Handyman Lalremsanga (24) s/o Lalrochhiara, Champhai Bethel Veng chu a hmunah a thi a, driver Lalrammawia (20) s/o Vanlalduha, Bawngkawn, Aizawl a hliam bawk. Chetsualna thlen lai hian Lalremsanga’n a khalh niin an sawi. www.vanglaini.org

Chetsualna thlen thu hriat a nih veleh Sihhmui leh Sairang ṭhalaite chhanchhuah hna thawk turin an kalkhawm nghal a; mitthi ruang leh hliamte chu an la chhuak. Lalrammawia chu Aizawl Civil Hospital panpui nghal a ni a; Lalremsanga ruang chu Sihhmui branch YMA-in kuang an siamsak a, Nilaini zan khan Sihhmui YMA Hall-ah tlaivarpui a ni a, nimin khan Sairang damdawi-inah postmortem a nih hnuah Champhai panpui a ni.

Nimin zinga lei chim enfiaha kal PWD hotute chuan, lei zawh chimtu tipper chu Rawpuichhip aṭanga kal a ni a, ràwrá a phurh thu leh ton 40 vela rit nia an ngaih thu an sawi. Tipper siamtu AMW website-ah chuan, tipper hi 3318 TP ton 31-a rit a ni. www.vanglaini.org

Hetih lai hian, PWD-in lei bula hriattirna an tàrah chuan, lei chu ft. 200-a thui a nih thu te, lirthei ton 15.5 (motor rihna telin) aia ritin zawh phal a nih loh thu te, vawi khatah lirthei pakhat chauhin zawh tur a nih thute an ziak a ni. www.vanglaini.org

PWD hotute chuan, lei chim ta chu dawh thar tumna tun thut thutah a awm loh thu sawiin, “Lei dawh ṭhat lehna tur hmanrua engmah kan nei tawh rih lo,” an ti a; Lengpui Airport leh Mamit district lama kal turte chu Buichali lei lama kal turin an chah. www.vanglaini.org

Sihhmui leh Lengpui inkar Tlawng leia bailey bridge hi ton 24 aia rit zawh phal loh a nih laiin kum 2006 khan truck rit phurin a zawh chim tawh a, dawh ṭhat leh a nih hnuah October 31, 2014 khan truck rit phurin a zawh laiin a chim leh ni. Lei chim dawh ṭhat leh nan PWD-in Mizoram chhung hmun danga lei dawhna hmanrua hman tawh loh, la ṭha site chu an phur khawm a, November 14, 2014-ah a dawh ṭhat hna an ṭan leh a ni.

Lei dawh zawh dawn ṭep, December 8, 2014-ah lei chu a chim leh a, chumi hnuah dawh ṭhat leh niin, February 23, 2015-ah lirthei zawh theiha hawn a ni leh ta a ni.

Lei chim hi Mizoram PWD chuan pawi an tih thu thuchhuah siamin an tarlang a, “Driver-in nunna a chàn phah avangin pawi kan ti tak zet a, lusún chhungte kan tuarpuiin, hliam tuar handyman pawh a ṭhat leh thuai kan duhsak a ni,” an ti. www.vanglaini.org

PWD tarlan danin, leia tlân lirthei phurh theih chin chu ton 15.5 a ni a, motor lian sàn zawng pawh metre 3.5 (ft. 11.5) aia sanglo tura tih a ni. Lei zawh chimtu truck-in rawra a phurh zat dik tak hriat a harsa a, truck hian ton 43.5 (quintal 435) a phur thei a, truck rihna ringawt pawh ton 8.64 (qtl. 86.4) niin an tarlang. www.vanglaini.org

He lei chungchang hi Ministry of Road Transport & Highways-ah a thar ṭha zawk dawhna tur dilin, sum an hmu tawh a, tun ṭhál chhunga dawh zawh hman an tum a ni. Lei chim ta bula lei (RCC)-a dawh mek chu lui kama a ban an phunnaah lung sakhat lo, tuiin a ei hêk theih a awm avangin Ministry of Road Transport & Highways-ah phun ṭhat dilna an thlen a; consultant rawihna tur tender chu December 2, 2015 khan an hawng a ni.

– See more at: http://www.vanglaini.org/tualchhung/47046#sthash.P5AObEBZ.dpuf

Facebook Comments
Leave a Reply