Posted on

World AIDS Day hman a ni HIV+ve 10,448; AIDS vanga thi 1,102

World AIDS Day hman a ni HIV+ve 10,448; AIDS vanga thi 1,102

Nimin December 1 kha World AIDS Day a ni a, Mizoramah pawh hman niin, Aizawlah chuan hmun hnihah hman a ni. Mizoramah HIV hrik pâi mi 10,448 an awm tawh thu leh AIDS vangin mi 1,102 an thih tawh thu an tarlang. www.vanglaini.orgWorld AIDS Day hi Mizoram State AIDS Control Society (MSACS) huaihawtin Lal Thanhawla Auditorium-ah hman a ni a; khuallian chief minister Lal Thanhawla, Health department changtu leh khualzahawm minister Lalsawta ten an hmanpui.

Chief Minister chuan, tun hma chuan miin AIDS veite an ṭih a, AIDS vanga thite pawh an khawih ṭha duh lo tih sawiin, tunah erawh chuan AIDS veite thinhrikna leh endawngnate a ziaawm tawh tih a sawi a, “Endawng an nih lohna turin inzirtirna kan uar hle a ṭul a ni,” a ti. www.vanglaini.org

Mizote chu Pathian ringtu an nih vanga hnam hrisel leh thianghlim ber ni âwm tak an nih laiin, AIDS leh cancer tamna ber ram a nih thu sawiin, Lal Thanhawla chuan, “Inkhawm tam ber ram, Pathian thu sawi leh ngaithla tam ber ram, camping nei tam ber ram kan ni a, chuti chunga AIDS leh cancer tamna kan ni hi zahthlak tak a ni,” a ti. www.vanglaini.org

Chief Minister hian AIDS do kawnga hna thawh ṭhat vanga ‘Mary Robinson Award’ dawngtu Lalchhuanzuali hnenah MSACS-in lawmpuina an pek a hlân a; vanduainate chu chu Pathianin malsawmnaah a chantir thei tih sawiin, “AIDS veite hi kan khawtlangah mi ṭangkai, kan chhuanvawrte an ni thei,” a ti.

CM Lal Thanhawla chuan, AIDS donaah tih tur tam tak a awm a, ṭan rual a ngaih thu sawiin, “World AIDS Day hi AIDS donaa atana inpek tharna leh harh tharna ní ni se a lawmawm hle ang,” a ti bawk. www.vanglaini.org

Khualzahawm Lalsawta pawhin thu sawiin, “Kan ram hi rùnin a awm mek a, kan hneh a ngai. AIDS dotu bik awm mah se, hneh tur chuan kan zavaia kan ṭan tlan a ṭul a ni,” a ti. Lalsawta hian kum 2014-15 chhunga pawl hminga thisen pe ṭhate hnenah lawmman a hlan a; lawmman dawngtute chu – zirna inah Pachhunga University College, YMA-ah Chanmari branch YMA, kohhran ṭhalaiah TKP Coordination, Aizawl leh Central KṬP leh, pawl dangah Inter College Adventure Club-te an ni.

World AIDS Day hmannaah hian Health secretary Lalhmingthanga, Health principal director Dr K Ropari leh MSACS project director Dr Lalmalsawmi Sailo te pawhin thu an sawi. www.vanglaini.org

World AIDS Day pual hian nimin chawhnu khan Care World Vision huaihawtin Millennium Centre tualah hun hman a ni bawk a, Home minister R Lalzirliana’n a hmanpui. He hunah hian zaithiam eng emaw zat an zai a, lámte entir a ni bawk.

World AIDS Day hi World Health Organisation bultumin kum 1988-ah hman ṭan a ni a, kumina thupui chu ‘Getting to Zero’ tih a ni.

MSACS chhinchhiah danin, Mizoramah October 1990 aṭanga July 2015 thleng khan mi 3,24,918-te thisen endik tawhah HIV hrik pai mi 10,448 hmuhchhuah a ni a, AIDS vangin mi 1,102 an thi tawh. HIV hrik hmuhchhuah tawhte hi mipa 6,560 leh hmeichhia 3,999 an ni. www.vanglaini.org

HIV hrik kai chhan tam ber chu mipat hmeichhiatna a ni a, HIV kai zawng zawng zinga 69.31% an ni. Hmeichhia bika HIV hrik pâi hmuhchhuah tawh mi 3,888 zinga 3202 (82.35%) chu mipat hmeichhiana vanga kai an ni a; mipaah chuan 61.57% a ni. www.vanglaini.org

MIZORAMA HIV/AIDS KAI CHHANTE
(October 1990 – July 2015)

Kai chhan Mipa Hmeichhia Total Percentage
Mipat hmeichhiatna 4,039 3,202 7,241 69.31%
Ruihhloa inchiu 2,183 338 2,571 24.61%
Nu aṭangin nauteah 188 188 376 3.60%
Chhan dang 150 110 250 2.48%
TOTAL 6,560 3,888 10,448 100%

HIV/AIDS VEITE KUM THLIARNA

Kum Mipa Hmeichhia Total Percentage
14 hnuai lam 199 203 402 3.85%
15-24 1,325 970 2,295 21.97%
25-34 2,902 1,488 4,390 42.02%
35-49 1,812 1,068 2,880 27.57%
50 chung lam 322 158 480 4.59%
Chiang lo 0 1 1 0.01%
Total 6,560 3,888 10,448 100%

– See more at: http://www.vanglaini.org/tualchhung/46917#sthash.PDQfOV8a.dpuf

Facebook Comments
Leave a Reply