Posted on

SORKAR LAIPUI ATANGIN THU THAR A AWM THUT A NIH LOH CHUAN ZANIN DAR 12 HNU LAMAH MI TAM ZAWKIN CABLE TV KAN EN THEI TAWH RIH LOVANG

SORKAR LAIPUI ATANGIN THU THAR A AWM THUT A NIH LOH CHUAN ZANIN DAR 12 HNU LAMAH MI TAM ZAWKIN CABLE TV KAN EN THEI TAWH RIH LOVANG.. – Vanneihthanga Vanchhawng

MSR : Sorkar laipui atanga dateline sawn hlat thut a awm a nih loh chuan zanin zanlai dar 12 hian Cable TV Digitization Programme phase-III in a huam chinah Analog Signal te chu off vekin digital signal chauhin TV te en theih a ni tawh dawn a. LPS chuan consumer te hnenah digital signal man theihna tur Set Top box a sem chhuak mek.

Sorkar laipuiin Digital India a kalpuina peng pakhata Informatuion & Broadcasting Ministry in Cable TV te phase wise-a Digital signal-a thlak tura a tih angin Phase-III in a huam chinte chuan December 31, 2015 hmaa Digital signal pe chhuak turin Cable TV te an inbuatsaih a, Mizorama Multi System Operator (MSO) nei hmasa LPS Vision chuan control room peifel tawhin Set top box engemawzat a chah thleng tawh a, heng set top box te hi LPS pawttu in-report hmasa apiang hnenah a tahtawlhin connection a pe mek a ni. Thawktute consumer te inah kalin set top box hi an vuah sak mek a, mi engemawzatin digital signal an en tawh a ni. Chutiang chuan LPS hnuaia sub-operator te pawhin an bialah an pe chhuak tan ve mek bawk.

Set top Box te hi smart Card tello a sem phawt a ni a, set top box neite chuan digital signal channel tam tak an en thei phawt a, channel package thlan erawh chu kum tharah tih theih a ni anga, chutah chuan smart card pawh sem chhuah a ni chauh ang.

Tarlan thin tawh angin Ministry of Information and Broadcasting chuan ni 11.11.2011. khan India ram pum a cable TV (analogue) chu Digital Addressable System a thlak vek turin thutlukna a siam a, he digitisation hi phase li (4)-ah then a ni. Phase-I ah Delhi, Mumbai, Kolkata Chennai, Phase-II ah Khawpui 38 mipui maktaduai khat chuang awmna chin te a huam a, Phase-III ah urban area zawng niin Phase-IV ah a dang zawng te telh leh tur a ni.

Phase-III ah hian Mizoram khaw 23 an tel a. Heng khua te hian tuna kan en mek Analogue TV signal chu ni 31.12.2015-ah titawpin Digital Addressable System (DAS)-a thlak vek a ni tawh dawn a, TV signal te encrypt vek tur a nih avangin subscriber zawng zawngin Set-top Box hmanga TV an en a ngai tawh dawn a. Sorkar laipuiin hun hi a pawtsei thut a nih loh chuan zanin zanlai dar 12 thleng chauh set top box tel lovin en theih a ni tawh dawn lova, set top box hi la neilo a tamzawk kan nih hlawm avangin engemawc chhung chu mi tam zawkin cable TV kan nghei rih dawn a ang hle a ni.

Digital Addressable System-ah chuan picture a fiah bik dawn a, Sound quality a tha bik bawk ang. Channel a tam dawn a, Bouquet hrang hrang thlan theih a ni a, A-La-Carte hmangin channel duhzawng a lei belh theih bawk ang.

Digital signal man tur hian Set top box a ngai a,Set-top box hi a tlangpuiin chi hnih Standard Definition (SD) leh High-Definition (HD) a awm a, tunah hian LPS chuan a man tlawm zawk SD hi a pe chhuak mek a, HD pawh a chah thleng thuai dawn a ni. Headend bungrua te leh subscriber management system te hi International Organization for Standardization (ISO) a ni tur a ni a, Set-top box te hi Bureau of Indian Standards (BIS) certified a ni tur a ni a, LPS chuan chutiang bungrua te chu a hmang a ni.

Multi System Operator ni tur hian Ministry of Information and Broadcasting atangin licence neih a ngai a, ni 11.8.2015. khan LPS Vision Production chu MSO licence pek fel a lo ni tawh a, LPS licence area hi “ for the State of Mizoram ” a ni.

Posted on

AIZAWL THUNDER CHRISTMAS CHARITY RIDE

AIZAWL THUNDER CHRISTMAS CHARITY RIDE

by Vanneihthanga Vanchhawng

Vanneihthanga Vanchhawng's photo.

MSR : Aizawl Thunder – The Aizawl Bullet Club te chuan tunkar inrinni Dec 19 khan kumdanga an lo tih thin angin mi harsa zualte pualin Christmas charity ride an nei.

He Charity Ride ah hian Bawngthah, Darlung, Bawlte leh Sabual South khua mi harsa zual thlan chhuah chhungkaw 14 te hnen atangin tanpuina pawisa fai Rs.11,000 theuih hlan an ni.

He tanpuina sum an pek hi member te thawhkhawm leh Aizawl Thunder kaltlanga luan chhuah duh ‘Rose Par’ Thianzaho’ te atangin Rs. 14,000 lehu India ram khawpui chhung Spa-a thawk intelkhawmte’n Rs. 20,000 an rawn pek atangin hlan a ni.

Aizawl Thunder hi India rama Bullet Club upa ber leh lian ber a ni mek a, kumtin Remna Ni, Independence Day, Republic Day leh Christmas pualin Charity Ride an nei thin a, kumina an Ride hi a vawi 11-na a ni.

Lungleia Bullet Bike nei hovina pawl an din, tun hmaa Leitlang Lightning tih thin, ROYAL KNIGHTS tia hming thlak ta te pawhin kum danga an lo tih thin angain nimin khan Lunglei khawpui chhung Pukpui leh Zobawk inkarah Charity Ride an nei a, veng hrang hranga rethei chanhai thlanchhuahte tanpuina an hlan a ni.

Posted on

AIZAWL CITY SURVEILANCE PROJECT II HNUAIAH CAMERA 35 VUAH BELH LEH

AIZAWL CITY SURVEILANCE PROJECT II HNUAIAH CAMERA 35 VUAH BELH LEH

by Vanneihthanga Vanchhawng

Vanneihthanga Vanchhawng's photo.

MSR : Aizawl khawpui chhung hmun pawimawh leh venhim ngai lai CCTV hmanga venhimna tur atana hmalakna Aizawl City Surveillance Project thawhhnuihna chu nimin Dec 23, 2015 khan hman theiha peih fel a ni ta.

He Project Phase-II-ah hian phse-I CCTV camera ten an tuam phak loh Aizawl bazar Bungkawn atanga Chanmari kawn inkara hmun pawimawh zual thlan chhuah hmun 10 (sawm) ah Camera 35 (sawmthum panga) dah belh a ni a. He Project thawhhnihna hi a buaipuituten Krismas hunpui hmaa hman theih turin theihtawp an chhuah avangin tun hunah hian hman theiha peih theih a ni.

Aizawl City Surveillance Project hnuaia CCTV dahte hi Mizoram Police chuan tangkai takin an hmang mek a, hnu chhuina leh buaina ven nan tuna Project-in a tuam thar hmun te pawh hi tangkai hle tura ngaih a ni.

Kum 2012 March thla khan Home Minister hovin sorkar mi pawimawh thukawmte’n Aizawl City Surveillance Project duangchhuaka kalpui dan tur an ngaihtuah a, DPR siam niin sorkar laipui Ministry of Home Affairs-ah thehluh a ni. Ministry of Home Affairs chuan lo pawmin 30.3.2013 khan he project atan hian cheng vbc 12.65 a ruahman a. A thawhkhatna atan cheng nuai 395.5 sanction nghalin hna thawh tan nghal a ni a, Modernization of State Police Force (MPF) hnuaia Union Home Minister Discretionary Fund atangin sum hi hmuh a ni a, he project pumpui atana sum ruahman hi kum kalta khan dawn kim a ni tawh nghe nghe. MPF Scheme hnuaiah hian State sorkar chu 10% tum ve thin tur a tih a nih laiin Aizawl City Surveillance Project atan bika sum ruahman hi chu sorkar laipui atangin zaah za hmuh a ni.

He Project hi Phase-3 a thawh turin ruahmanna siam a ni a, Phase–I hnuaiah hian Aizawl khawpui chhung hmun pawimawh hrang hrang 10(sawm) tuam a ni a, heng hmunte hi SP(Aizawl) Office Control Room atang hian engtik lai pawhin thli thlai reng tur a ni.

Aizawl City Surveillance CCTV te hi Khatla Assam Rifle Junction atangin location 10; Khatla Assam Rifle Junction , Tennis Court junction, Raj Bhavan South Gate, Treasury Square, New Secretariat Complex, AOC, Aizawl Temple, Zodin Square, Canteen kual leh Bazar Bungkawn-ah camera hrang hrang 56 dah a ni a, heng camera thlalakte hi thla khat daih dahkhawlna tur (server)bun fel nghal a ni bawk. A thawh khatna hi Kumin May 25 khan hawn a lo ni tawh a, A thawh hnihnaah hian hmun pawimawh 10-ah camera 35 bun belhleh a ni ta a ni.

Aizawl City Surveillance Project kalpui tu KSJ Dynamic Security project manager Billy Lalmuanpuia chuan, CCTV atan hian camera tha chi, IP camera, DV Tel company siam an hmang tih a sawi a. An camera vuahte chu zan thimah pawh colour vekin thla a la thei ani. CCTV enkawl tur hian police force hrang hrang – MRP, CID, MPRO, Traffic leh Security atangin training pek an ni tawh a ni.

Posted on

Aizawl FC-in practice an ṭan

Aizawl FC-in practice an ṭan

Mizoram Premier League Season 4 champion Aizawl FC chuan nimin zing khan Lammualah I League atan inpuahchahna an ṭan a, Mizoram Police aṭanga an hawh F. Lalrinpuia leh Lalbiakhlua te an tel lo. Aizawl FC hian January 9 hian an match hmasa berah champion lai Mohun Bagan chu Salt Lake Stadium-ah an hmachhawn ang a, January 16 hian 2013-14 season champion Bengaluru FC chu RG Stadium, Mualpuiah an mikhual ang.

MPL4-a mimal lawmman pathum best player, best forward leh top scorer chawimawina dawngtu Valpuia leh MPL3 top scorer Biaktea te hian BN Mullick Memorial All India Police Meet-a tel turin Mizoram Police team an zawm leh tawh a, I League match hmasa lam an inlan theih a rinawm loh.

Aizawl FC coach Manuel Retamero chuan, “I League-a che ṭha tur chuan tun aia ṭhain inbuatsaihna kan kalpui hi a ṭul a ni. Rajiv Gandhi Stadium-ah I League kan khel dawn a, kan khingpui aia kan khelmual hrechiang turin I League kan khelhna turah hian kan practice theih a ṭul. Aizawl FC hi Mizoram aiawh tur kan ni a, Mizo club zinga I League khel hmasa ber tur kan ni. Tunah chuan MPL-a kan champion kha kan theihngilh a ṭul tawh a, I League atan kan ngaihtuahna zawng zawng kan sen a ṭul tawh a ni,” tiin India ram club dang elpha tura ṭan a ṭul a thu a sawi.

Hero I League 2015/16 season-a an ball pet tur hi ‘nike ordem’ a ni a, pakhat man ringawt pawh hi Rs 8,995 a ni. Aizawl FC-in I League atana an inpuahchahna hmasa berah hian nike ordem hi an hmang nghal.

Aizawl FC I League Fixtures

Date Home . Away
January 9, Inrinni Mohun Bagan Vs Aizawl FC
January 16, Inrinni Aizawl FC Vs Bengaluru FC
January 22, Zirtawpni Aizawl FC Vs DSK Shivajians
January 25, Thawhṭanni Aizawl FC Vs Sporting Clube de Goa
January 31, Pathianni Salgaocar FC Vs Aizawl FC
February 6, Inrinni East Bengal Vs Aizawl FC
February 13, Inrinni Aizawl FC Vs Shillong Lajong
February 20, Inrinni Aizawl FC Vs Mumbai FC
Ferbuary 28, Pathianni Bengaluru FC Vs Aizawl FC
March 2, Nilaini Mumbai FC Vs Aizawl FC
March 5, Inrinni Aizawl FC Vs Mohun Bagan
March 12, Inrinni Aizawl FC Vs East Bengal
April 3, Pathianni Shillong Lajong Vs Aizawl FC
April 6, Nilaini Sporting Clube de Goa Vs Aizawl FC
April 9, Inrinni Aizawl FC Vs Shillong Lajong
April 16, Inrinni DSK Shivajians Vs Aizawl FC

– See more at: http://www.vanglaini.org/infiamna/47779#sthash.G88POFL7.dpuf

Posted on

December 23-24 ah No Venhicle Zone

December 23-24 ah No Venhicle Zone

Traffic SP C Lalthanmawia chuan hriattirna chhuahin, Mizoram sorkarin thuneihna a pek leh Aizawl Municipal Corporation (AMC) ngenna angin, December 23 leh 24, 2015 khian Aizawl khawpui lailí-ah lirthei kal theih lohna hmun, ‘No Vehicle Zone’ hman a nih dawn thu a tarlang. www.vanglaini.org

Traffic SP tarlan danin, No Vehicle Zone hian Chanmari leh Zodin Square inkar a huam dawn a, chawhma dar 10 aṭanga tlai dar 3 inkarah lirthei, thirsakawr leh nawrlirh tlan phal a ni dawn lo. No Vehicle Zone hi Krismas bazara mipuite chêtvel awlsamna atan leh him zawkna atana ruahman a ni. www.vanglaini.org

No Vehicle Zone hun chhung hian Aizawl Civil Hospital aṭanga chhim lam pan turte chu Dawrpui Presbyterian biak-in lama kual kher loin, Bazar Bungkawnah an tlan nghal thei dawn a; Dawrpui taxi stand-a ding ṭhinte chu Baza Tlang hnuai, AR mandir bulah leh AR Quarter Guard hnuaiah din phalsak an ni ang.

Chanmari leh Power House inkarah lirthei eng chi mah No Vehicle Zone hun chhung hian hûn phal a ni lo. Chanmari leh Power House inkarah LMV chin hnua lamte, passenger la leh drop turte tan khawi zawng pawha tlan phal a ni ang a, Power Houe (P&E office) kawt zawlah kualin, dropping zone-ah passenger-te dahin, Chanmari lamah an lêt leh thei ang. www.vanglaini.org

No Vehicel Zone hian damdawi-ina duty te, dam lohna vanga damdawi-in pan tur te, chhiatrupna thlenga duty turte leh thupek pawimawh bika police duty turte a huam dawn lo. www.vanglaini.org

No Vehicle Zone chhung hian chhim leh hmar inkalpawhna kawngpui (main road) khar a nih dawn avangin lirtheite kawng dangah an tlan a ngai dawn a, hei vang hian No Vehicle Zone hêla lirthei tlan dan turah traffic police-te’n ruahmanna thar an siam a ni. www.vanglaini.org

No Vehicle Zone laia lirthei tlân dan tur, dropping leh no parking

1.Hmar lam pan tlan dan tur

@Tlâk lamah Temple-Vaivakawn road zawhin Hunthar Veng pengṭhuam an pan ang a, 407 truck leh a tlukpui leh a aia liante chu Chanmari aṭangin hmar lam an pan thei ang. www.vanglaini.org

@Chhuah lamah Sikulpuikawn-Ramhlun road via Republic-College Veng-Bethlehem-Chhinga Veng-Electric Veng lamah kal theih a ni. Treasury Square-Electric Veng via Republic-College Veng-Bethlehem-Chhinga Veng lamah pawh a kal theih ang.
@ Ramthar Sihpui aṭanga Bazar pante chu Bazar Bungkawnah chhuah chhoh phal a ni lo a, Modern High School bualah kual thlain, Chhinga Veng lamah an lêt leh ang. www.vanglaini.org
@Chhinga Venga Bethlehem Veng pêng aṭangin Bazar Bungkawn via Ch. Chhunga in lamah tlân chhoh phal a ni lo ang. www.vanglaini.org

2.Chhim lam pante tlan dan tur
@Chanmari Presbyterian biak-in – Vaivakawn road via Chanmari West Kawipui
@Bawngkawn-ITI road via Ramhlun, Electric Veng, etc.

3.Dropping leh pick-up road

@ Hmar lamah maxicab chin hnuai lam, passenger dah leh la tur ringawtin Hrangbana College-Mizo High School Field thleng tlan theih a ni ang a, Mizo HS Field chu parking atana hman tur a ni. Hetah hian dropping leh pick-up an ti thei ang. Zarkawt kawn lamah luh thlak phal a ni lo.
@Chanmari kawn traffic point aṭanga Power House lam kawngah lirtheite an tlan thei a, Power House-ah lut thlain, dropping leh pick-up an ti thei ang.
@A chunga tarlan kawng pahniha kal tur ni lote chuan Chanmari Presbyterian biak-in hêlin, hmar lamah an kual let ang.
@Chhim lamah chuan Canteen kualah kualin, mandir hêlin chhim lamah kual let tur a ni.

4.No Parking

@Hrangbana College-Mizo H/S Field road
@Chanmari kawn traffic point – Power House road
@Temple – Vaivakawn road
@Hunthar – Chanmari West junction – Company péng
@Hunthar – Chanmari junction to Chanmari traffic point
@Bawngkawn – Sikulpuikawn via Ramhlun – Aizawl Venglai – Modern High School – Saron Veng -Tuithiang – Bethlehem – College Veng – Republic Veng – Upper Republic – Treasury Square
@Armed Veng – Bethlehem peng, Chhinga Veng road
@Bethlehem Veng peng, Chhinga Veng – Electric Veng road
@Sihpui to Bethelhem peng, Electric

– See more at: http://www.vanglaini.org/tualchhung/47800#sthash.Bq1Lwdkr.dpuf

Posted on

Vawiin aṭangin Zai Mizo Festival

Vawiin aṭangin Zai Mizo Festival

Hmuifang Tlanga, Lal Thanhawl Park-a Lallianvunga hmunah Zai Mizo Festival chu vawiin aṭangin neih ṭan a ni tawh dawn a, hetah hian India rama band ṭha ber ber pakua mai bakah Frisky Pint telin, Mizo band palite an che dawn.

Zai Mizo Festival hi BigFuz Event Management buatsaih a ni a, vawiin leh naktuk hian neih a ni ang. Band ṭha tak takte an chet dawn mai bakah hian talent show hmuhnawm tak te, Mizo kutchhuak thil siam chi hrang hrang pho chhuah a ni ang a, stall changtlung tak tak hawn a ni ang.

India rama band ṭha ber ber leh mimal, khawvel huap pawha hming lo chher tawhten hun an rawn hmang dawn. Indus Creed-a an vocalist ṭhin Uday Bengal te, Superfuzz, Joshua Grant Trio, Tin Bizkit, Street Stories, Borkung Hrangkhawl, Zoo, Dosser’s Urge leh Sid Coutto te an che ang. Mizo band bikah Mizoram band ni lo, Mizo band ni si, Frisky Pints an che dawn a, Dreamhunter an awm bawk a, album tichhuak hlim Triau Trackx leh India huapa band ṭha Boomarang te an che bawk ang.

Triau Trackx, Boomarang, Dreamhunter te kan hre viau tawh a, Frisky Pints bik hi Mizorama awm an nih loh avangin Delhi vela an lar leh hlawhtli n ang emin Mizoramah chuan kan hre lo. Mizo tlangval pali awm khawm an ni a, an bassist Danny chuan, “Mizoramah perform-na hun kan nei thei tur hi kan phur tlang khawp mai. Band member kima kan pianna ram ngeia maia perform hi kan lo suangtuah tawh ṭhin a. Amaherawh chu, hun remchang kan nei thei lawk lo a. Zai Mizo Festival an buatsaih dawn tih kan hriat phat aṭangin programme kan neih sa ṭhenkhat kan ṭhulh phah a, Zawlkhawpui ngeia kan hnampuite hmaa perform kan chakna hi tunah rih chuan engmah hian min dang thei rih tlat lo,” a ti. Zai Mizo Festival zawh hian Delhi lamah programme an la nei zui deuh duah a, an chhuk thla lehnghal ang.

– See more at: http://www.vanglaini.org/thalai/47740#sthash.5aeFHSuq.dpuf

Posted on

Mizoramin Santosh Trophy squad a puang

Mizoramin Santosh Trophy squad a puang

Kum 2014-ah India ram state-te tana football inelna sang ber Santosh Trophy-ah a vawi khatna atan Mizoram an champion a, kum 2015-ah an champion zawn thei lo – inelna thlengtu Punjab hneh loin semifinal-ah an tla.

Mizoram tan India ram thunun turin Santosh Trophy chawi nawn a ṭul a, Mizoram Football Association pawhin inelna hi a la thutak hle. November 16, Nilaini khan player 30 awmna probable squad a puang a, vawiin aṭangin residential camp an ṭan ang a, inbuatsaihna chak takin an kalpui nghal ang.

Santosh Trophy Northeast Zone Qualifying Round chu Aizawlah February 2016 thla tirah khelh a ni dawn a, final round hi March 2016 hian Nagpur, Maharashtra-ah khelh a ni ang.

Aizawl FC an tel lo
I League khel tur Aizawl FC player-te an tel thei dawn lo a, hei hi Mizoram tan channa nasa tak a tling. I League club hian Santosh Trophy champion ṭuma player pasarih Lalruatthara, Ronald Zothanzama, David Lalrinmuana, Lalbiakhlua, H Lamuankima, F. Lalrinpuia leh William Lalnunfela te an kawl a, MPL4 chiang taka champion thei an nih avangin an player dangte pawh hi Mizoram team-a tel turin an ṭha tawk tih a hriat theih bawk.

Mizoram Police-a a ngheta thawk tawhte’n January 2016-a All India Police Meet an khelh dawn avangin an player ṭhate koh theih an ni lo bawk. Police-ah hian champion ṭuma player pawimawh pali J Vanlalhriata, Lallawmzuala, Lalfakzuala leh V. Lalṭanpuia te an awm.

Champion player 5
Mizoram probable squad-ah hian champion player panga Lalawmpuia, Ricky Lallawmawma, K. Lalrinzuala, R. Laldanmawia leh Lalnunmawia an awm. Coaching staff lamah champion ṭuma coach HC Zarzoliana chu head coach a ni tawh thung ang a, champion ṭum ang thoin manager tur chu Lalbiakzuala, MFA assistant secretary a ni.

Mizoram team manager Bza chuan, “Aizawl FC leh Mizoram Police player-te kan chhawr thei lo hi pawi kan ti a, chutihrualin kan player thlante hi an ṭha tawk a ni. MPL aṭangin player-te kan thlang a, player 30 kan thlanchhuah lailawkah hian kan lungawi em em a ni,” tiin a sawi.

Champion ṭuma manager Bza chuan sawi zelin, “Mizoram team hi coaching staff bakah technical committee thlan an ni a, kan harsatna ber chu krismas vuak veta training kan nei tur hi a ni. Player-te hi Mizoram tana khel tur an ni tih kan hrilhfiah theih chuan kan residential camp neih tur hi a hlawhtling dawn a, chutihrualin player-te hi Mizoram tana khel tur an ni a, anmahni hmalam hun atana a pawimawh bawk avangin an theihna zawng zawng an chhuah ang tih hi ka chiang a ni,” tiin theihtawp an chhuah tur thu a sawi.

Chanmari player 10
Probable squad player 30 te hi MPL club aṭang veka thlan an ni a, player 20-a thlitfim leh tur a ni. MPL4 champion Aizawl FC an tel thei dawn lo a, finalist Chanmari FC-in player 10 thawhin MPL club zinga thawh hnem ber a ni a, MPL4 pathumna Bethlehem VT-in pariat an thawh ve bawk.

MPL4 semifinalist Zo United aṭangin player paruk an tel a, semifinal lut pha lo Dinthar (3), Chanmari West FC (1), Luangmual FC (1) leh Mizoram Police (1) ten player an thawh vek bawk.

Santosh Trophy khel tur Mizoram team hian January 6 hian German Students National Team chu Lammualah an hmachhawn ang.

Mizoram Probable Squad
#Hming                  ClubVeng/Khua

Goalkeepers
1H. LalremruataBethlehem VTITI Veng

2LalawmpuiaZo UnitedAizawl Venglai

3LalmuanawmaChanmari FCKhawbung

Defenders
4C. LalrosangaChanmari FCZotlang, Lunglei

5C. RamdinmawiaChanmari WestArmed Veng South

6LalhmunmawiaMizoram PoliceHualngohmun

7LalmuanawmaBethlehem VTChamphai

8Lalrinchhana TochhawngChanmari FCMamit/Chanmari

9Lalrinzuala KhiangteZo UnitedAizawl Venglai

10Lalrozama FanaiChanmari FCBawngkawn

11Malsawma ChhangteZo UnitedChamphai

12MS DawngzelaBethlehem VTZawlnuam

13RamfangzauvaBethlehem VTVanchengpui

14Ricky LallawmawmaZo UnitedDurtlang

15VanlalthangaDinthar FCHualngohmun

Midfielders
16Joseph LalnunpuiaChanmari FCSalem Veng

17K. LalthathangaBethlehem VTBethlehem VT

18LalchhanchhuahaLuangmual FCZotlang, Champhai

19LaldingnghetaBethlehem VTBethlehem VT

20LalmuansangaDinthar FCWest Phaileng

21LalnunmawiaChanmari FCRamhlun South

22LalnuntluangaZo UnitedBawngkawn

23Lalruatfela ZoteBethlehem VTRepublic Vengthlang

24R. LaldanmawiaChanmari FCSialhawk

25Reuben ZosangpuiaChanmari FCDinthar

26VanlalthlamuanaChanmari FCRamhlun South

Forwards
27LalkhawpuimawiaDinthar FCKelkang

28LalliansangaZo UnitedDurtlang

29MalsawmfelaChanmari FCRamhlun South

30MS DawnglianaBethlehem VTBawngkawn

Coaching Staff
Manager:Lalbiakzuala, MFA asst secy

Asst manager:T. Vanlalhluna, MFA executive committee

Head coach:HC Zarzoliana, Chanmari FC

Asst coach:Samson Ramengmawia, Zo United

Physio:Babiana Lalfakzuali, Zo United

– See more at: http://www.vanglaini.org/infiamna/47752#sthash.aje83mBd.dpuf

Posted on

Zorama’n remna palai hna a thawk

Zorama’n remna palai hna a thawk

MNF president Zoramthanga chuan December 5-16, 2015 chhung khan India hmarchhaka hel pawlte leh India sorkar inkarah remna palai hna a thawk a, Delhi-ah sorkar laipui hotu hrang hrangte a kawm bakah, hel pawl camp a tlawh. www.vanglaini.org

Zoramthanga hian nimin khan Mizo Hnam Runa a pisaah thuthar thehdarhtute kâwmin, tun hnaia remna palai hna a thawh dan a hrilh a; Bodo hel pawl leh hel dang hotute Aizawla a inah lêngin, remna palai hna thawk tura an sawm ṭhin thu sawiin, “Mahni intât lut ka ni lo a, sorkar laipui hotute leh hel pawl hotute min ngenna vang a ni,” a ti. www.vanglaini.org

Zorama’n New Delhi-a a hmuhte chu – Union Home minister Rajnath Singh, Finance minister Arun Jaitley, minister of state for Home Kiren Rijiju, National Security adviser Ajit Doval, Joint Intelligence Service chairman Ravi, Intelligent Bureau director Sharma, Chief Election Commissioner, Urban Development Secrertary leh Director, Home Joint Secretary (NE), NBCC hotute leh NSCN(IM) hotu Thuingaleng Muivah-te a ni.

December 5-ah Guwahati Mizoram House-ah Bodo hel pawl hotute nen an inkawm a, December 6-ah Guwahati bula an designated camp a tlawh tih sawiin, Zoramthanga chuan, “India sorkar nen an inbiaknaa theihtawpa pui turin min ngen a ni,” a ti. www.vanglaini.org

MNF President sawi danin, remna palai hna thawka sorkar laipui hotute a kawmnaa a sawi ber chu – India hmarchhaka hel pawl hrang hrangte leh sorkar an inrem theihna tur leh remna kawng zawnga hmalak chak theih dan tura a ngaihdante a ni a; inbiakna la nei miah lo pawlte nena inbiakna neih ṭan dan turte a ni bawk.

Zoramthanga chuan, National Security adviser Ajit Doval leh Myanmar sorkar hotute’n NSCN-K hotu Khaplang chu Myanmar ram chhunga an camp-ah kâwm tura an nawr ṭhin thu sawiin, ani erawh chuan a la hun loa a ngaih thu a hrilh niin a sawi a; Khaplang pawhin hmuh a duh niin a sawi. www.vanglaini.org

Zawhna chhangin Zorama chuan, Home Joint Secretary (NE) a hmuh ṭumin, Bru-te’n Mizoram an chhuahsan dan dik tak a hrilh thu a sawi a, “Mizorama an rawn let duh loh chhan chiang takin ka hrilh,” a ti.

HPC(D) chungchangah, Mizoram police-te lambuna an kap hlum chu New Delhi-a an inbiaknaah na taka a ṭawng thu leh Mizorama an pawi khawih an tihtawp loh chuan remna kawng zawnnaah a thawhpui thei lo tih a hrilh thu a sawi a; Manipur-a hel pawl hrang hrangte remna kawng zawnnaa an intèlkhawmna, UPF aṭang pawhin paih an nih thu a sawi bawk. www.vanglaini.org

MNF President chuan, Union Finance minister Arun Jaitley a hmuhnaah, Mizoram sorkarin mimal leh company-a leibá cheng vbc. 900 chuang a neihte chu MNF-in sorkarna an chan chuan rulhsak tura a ngen thu a sawi a; sorkarin leibá a ngah avangin hmasawnna hna thawh a awm thei lo nia sawiin, “Tunah hian ‘Development holiday’ an hmang a ni ringawt,” a ti.

– See more at: http://www.vanglaini.org/tualchhung/47758#sthash.z7LjZ5h4.dpuf

Posted on

Zaninah LPS Pro Fight Final

Zaninah LPS Pro Fight Final

Zanin dar 7:30 aṭangin Mizoram State Sports Council Multipurpose Hall, Mualpui-ah Samsung 3:16 LPS Pro Fight final khelh a ni dawn ta. Zanina hnehna changtute hian category tinah title inchuhna inhnek an hmachhawn thei ang.

Thawhṭan zan khan semifinal khelh niin inhnek panga a awm a, Joshua Hmangaihliana, Vanlalhriatkima, Israel Hmingthansanga, Boris Zoremsiama Sailung leh H. Lalrinhlua ten final an lut a ni.

Thawhṭan zan inhnek results
Lightfly
Joshua Hmangaihliana (Vairengte) bt Freddy Lalchhanchhuaha (New Serchhip)
Judge Thutlukna (38-38, 39-38, 38-38)

Bantam
Vanlalhriatkima (Chaltlang) bt  Lalremsanga (Lungleng I)
Judge Thutlukna (39-37, 40-36, 40-36)

Light
Israel Hmingthansanga (Bungkawn) bt Zomuansanga (Khatla South)
Judge Thutlukna (39-37, 39-36, 36-39)

Middle
Boris Zoremsiama Sailung (Saron) bt Jehova (Chaltlang Lily Veng)
Technical Knockout (Round 1)

Lightheavy
H Lalrinhlua (Hnahthial) bt  Lalsangliana (Chaltlang Lily Veng)
Judge Thutlukna (39-37, 39-37, 40-38)

Samsung 3:16 Fighter of the Night – H Lalrinhlua (Hnahthial)

Zanin Inhnek Tur
Lightfly
Lalrinsanga Tlau (Khawruhlian)   Vs
Joshua Hmangaihliana (Vairengte)

Bantam
HC Lalramfela (Chawngtlai)   Vs
C. Vanlalhriatkima (Chaltlang)

Light
Lalrinawma (Reiek)   Vs
Israel Hmingthansanga

Middle
Isaac Rothangpuia (West Phaileng)   Vs
Boris Zoremsiama Sailung (Saron Veng)

Lightheavy
PC Lalmuankima (Saron Veng)    Vs
H Lalrinhlua (Hnahthial)

– See more at: http://www.vanglaini.org/infiamna/47621#sthash.9NgvWuXv.dpuf

Posted on

MPL 4 : Aizawl FC an champion nawn!

MPL 4 : Aizawl FC an champion nawn!

16th December 2015 at 10:00 am by Lalthanzama Vanchhawng

McDowells No 1 Soda Mizoram Premier League final chu nizan khan champion lai Aizawl FC leh MPL 2 champion Chanmari FC-in an khel a, 3-0 in Aizawl FC an chak a, a zawna a champion hmasa ber leh tum hnih champion thei an ni.

Final-ah hian Aizawl FC Liberian striker Alfred Kemah Jaryan chuan goal hnih thunin Brandon VL Remdika’n goal khat a thun ve bawk.

source: Zofooty.com