Posted on

Zo United Vs Dinthar FC

Zo United Vs Dinthar FC

Mizoram Premier League Season 4 aṭangin semifinal a awm ṭan a, quarterfinal erawh a awm lo. Amaherawhchu semifinal hmunruak hi vawiin tlaia Dinthar FC leh Zo United inkhela chak zawkin an hnawh khat dawna a lan avangin quarterfinal ang hialah a chhal theih.

Hmunruak pakhat
MPL4 palina hian semifinal-ah Aizawl FC an hmachhawn dawn a, Dinthar FC hian I League club hi an ngam tlat avangin Spanish manager Manuel Retamero hote chuan duh thlang thei chu ni se MPL1 champion hi an thlang lo tawp ang.

Dinthar hian season bul ṭan ṭha lo mah se champion ngei tumin an insiamṭha a, amaherawhchu match hnuhnung berah ngam loh laklawh Chanmari West an tawng a, MPL-ah a zawna vawi li nan West Warrior an hneh lo.

Dinthar hian semifinal lut turin point khat chauh an mamawh a, an chak loh erawh chuan Zo United an lut thung ang. Round 10 zawh khan Zo United hian table mawngphah an chhuahsan chauh a, hemi ṭuma BVT nena inhnehtawk Hluna chuan, “Semifinal lut tura kan elpui tur chu Zo United an ni,” tiin Vanglaini palai a lo hrilh daih tawh a, tualchhung football hrechiang Dinthar boss thlirlawkna a dik.

Dinthar leh Zo United bakah Chanmari West-in semifinal an la lut thei a, West Warrior tan a sang palia tel turin Aizawl FC chiang taka an hneh ngei a ṭul – a awlsam lo ang.

– See more at: http://www.vanglaini.org/infiamna/46710#sthash.G8CgMTtZ.dpuf

Facebook Comments
Leave a Reply