BREAKING NEWS: AMC RESULT PUAN ZAWH A NI TA

BREAKING NEWS: AMC RESULT PUAN ZAWH A NI TA

Nov 26, 2015, (MSR) Vawiin khan Aizawl Municipal Corporation inthlan chu tluang taka neih a ni a, zaninah vote chhiar nghal niin MNF chuan Ward 11-ah hnehna changin in party mal a chakber leh mahni a sorkarna siam thei turin hnehna an chang a ni.

State sorkar-a rorel lai, Congress sorkar chuan ward 8-ah hnehna an chang a, Congress atanga thlantlinnte hi hmeichhia 5 leh mipa 1 an ni.

MNF President Pu Zoramthanga chuan, AMC ah hian sawrkar nghet din an duh avanga party mal a ding an nih thu sawiin, an thil tum chu tun dinhmunah chuan an hlawhtling thawkhat dawn niin a lang tih a sawi a, tunhmaa AMC chu naupang infiamna, Musical Chair ang mai ni thin kha tunah chuan a danglam tawh dawn a ni a ti.

Tuntumah hian MNF te hian an manifesto ah internet free WIFI pek an intiam a, hei hi an vote hmuh san chhan pakhat niah ngaih a ni.

THLAN TLINTE

Ward 1: R. Zomuanpuii, MPC
Ward 2:  Lalringliana, MNF
Wars 3: K. Romawia, MNF
Ward 4: Laltlanzova Khiangte, MNF
Ward 5: Rosiamngheta, INC
Ward 6: C. Lalmuanpuia, MNF
Ward 7: K. Lalhmingliani, INC
Ward 8: PC Lalhmingthanga, MNF
Ward 9: B Lallawmpuii, MNF
Ward 10: R. Lalbiakthanga, MNF
Ward 11: H. Zonunsanga, MNF
Ward 12 R. Thanglura, MNF
Ward 13, Zonunsangi Fanai, INC
Ward-14 Lalhmingmawia MNF
Ward 15, Zodinpuii, INC
Ward 16: C. Lalsawivunga, MPC
Ward 17: Vanlalruata, INC
Ward 18: M Zohmingthangi, INC
Ward 19: C. Lalthansanga, MNF

Inhnehna sangber, Ward No 2-ah MNF candidate Lalringliana chuan amah hnaihbertu, INC candidate Lalthanruma Sailo chu vote 3748 in a hneh a, Ward No 6-ah MNF candidate vek, C. Lalmuanpuia chuan amah hnaihtuber INC candidate H. Lalchhuanmawia chu vote 48 a hnehin hei hi inhnehna tlember a ni thung.

Facebook Comments

Add a Comment