Feli Thangluah, Freddy, Henry Varte, Temi Sailo, TBCA: Nau piang an lawm

Feli Thangluah, Freddy, Henry Varte, Temi Sailo, TBCA: Nau piang an lawm

Dr. Luke-a an vocalist Feli Thangluah, Mizo Idol aṭanga zaithiam kan neih ṭhat berte zinga mi ni ta Freddy, mipa zaithiam neih zinga ṭha ber pawl Henry Varte leh TBC Zaithanpuia, leh tunhnai aṭanga music khawvela an hriat lar leh rawn che ropui thei tak Temi Sailo tena hla hmanga nau piang chibai an bûk hi Krismas hla ṭha ber pawl a ni ngei ang le!

Heng mite hian Krismas music video an siam a, tunkar hi chuan TV lamah pawh kan hmu tawh ngei ang. An hla sak hi TBCA phuah a ni a, ‘Nau piang i lawm ang u’ tih a ni a, music video hi Andrew, Bawngkawn kutchhuak a ni a, music hi LK Sailo siam a ni thung. Guitar-ah Bobo Renthlei an hmang a, Ace Records-ah recording an ti thung. Sound leh thil dang an mamawh hi Active Sound lamin an tum.

A phuahtu TBCA chuan, “Henry Varte leh Freddy te nen hi chuan kan lo zaiho tawh ṭhin a, mahse Temi Salo leh Feli Thangluah te nen erawh kan la zaiho lo. Kan han zaiho takah chuan zaiho tur dik tak kan niin ka inhre rum rum a, kan in pawh a, kan inkawm ngeih em em a, kan aw pawh duhthusamin an inchawih ṭha a ni,” a ti. “A hlawhtlin theih nan ka ṭhianten idea ṭha tak an rawn thawh a, ka famkim lohna laiah min rawn tifamkim a ni ber mai,” a ti.

“Nau piang i lawm ang u” tih hlaah hian kan lungngaihnate dah ṭha a, Remna Lal lo piang lawm tur te, chu hunah chuan rethei, pachhia leh ṭanpui ngaite ṭanpui tura mite sawmna a ni.

– See more at: http://www.vanglaini.org/thalai/46387#sthash.9N3HvdUY.dpuf

Facebook Comments

Add a Comment