Posted on

LPS-in DAS kalphung an sawifiah

LPS-in DAS kalphung an sawifiah

LPS Vision director Lalsawmliana Pachuau chuan nimin khan IPR directorate conference hall-ah thuthar thehdarhtute kâwmin, January 1, 2016 aṭanga Digital Addressable System kalpui tur chungchang a sawifiah.

Lalsawmliana Pachuau chuan, cable TV (analogue) aṭanga Digital Addressable System (DAS)-a thlak tur chu Ministry of Information and Broadcasting-in November 11, 2011-ah  thutlukna a siam anga kalpui tur a nih thu leh, India ram puma hman tur a nih thu sawi.  www.vanglaini.org

Lalsawmliana sawi danin, DAS hi Phase-1-ah Delhi, Mumbai, Kolkata leh Chennai tan October 31, 2012-ah kalpui ṭan tur a ni a; Phase-2 chu March 31, 2013 aṭangin mihring nuai 10 awm tlinna khawpui 38-ah kalpui tur a ni. Phase-3 chu khawpui dangahte December 31, 2015 aṭangin kalpui ṭan tur a ni a, chutah chuan Aizawl leh Mizorama khawpui (town)-a puan khaw 22 an tel a; khaw dang zawng chu Phase-4 ah awmin, December 31, 2016-ah kalpui ṭan tur a ni.  www.vanglaini.org

DAS hnuaiah hian TV tinah set top box pakhat hman tur a ni a, set top box chi hnih – standard definition (SD) leh high definition (HD) a awm a; set top box hi lei ngei a ngai. Consumer hnenah TV operator (Multi System Operator)-te’n free to air channel 100 an pe chhuak ang a, chu chu Rs. 100 man a ni. A bak chu mahni channel en duhte man neia lei a ngai a ni.

– See more at: http://www.vanglaini.org/tualchhung/46307#sthash.thL58Yjd.dpuf

Facebook Comments
Leave a Reply