Bye-election campaign hun a tàwp AMC inthlan turah complaint pakhat lut

Bye-election campaign hun a tàwp AMC inthlan turah complaint pakhat lut

November 21, 2015-a Aizawl North-III Assembly bye-election nei tura campaign theih hun chu nimin khan a tawp ta. Hetih lai hian, November 26, 2015-a Aizawl Municipal Corporation (AMC) inthlan turah complaint pakhat a lut tawh. www.vanglaini.org

Inthlana campaign hi vote thlak hun tawp aṭanga chhiar leha darkar 48 chhungah phal a ni lo a, chuvang chuan bye-election neih tura campaign hun chu nimin tlai dar 4 khan a tawp a ni.

Bye-election neih tur chungchangah hian Election department leh returning officer-ahte dan bawhchhiat a awm thu report an dawng lo nia thu dawn a ni a; Mizoram People Forum (MPF) pawhin complaint lian tham an dawng lo. www.vanglaini.org

MPF general secretary Upa F Lalremthanga chuan Vanglaini palai zawhna chhangin, Assembly bye-election leh AMC inthlan turah hian MPF-in complaint lian tham an dawn loh thu a sawi a; chutih rualin, complaint tênau, ngaih thutak viau chi loh chu tlem azawng an dawng tih a sawi. www.vanglaini.org

MPF General Secretary chuan, joint platform buatsaih chu MPF constituency/local forum leh candidate-te inbiakremna anga neih tur a nih thu sawiin, ṭum khat an neih chu an duhtawk nia an ngaih thu a sawi bawk.

Vanglaini palai zawhna chhangin district election officer Dr Franklin Laltinkhuma, Aizawl DC chuan, AMC inthlan turah erawh chuan complaint pakhat an dawng tawh tih a sawi a; complaint an dawn chu Ward-XVIII aṭangin a nih thu sawiin, “Chhui chian mek a ni,” a ti. www.vanglaini.org

Dr Franklin Laltinkhuma chuan, Aizawl North-III bye-election neih turah campaign hun a tawp tawh laia AMC inthlan tura campaign hun a la tawp ve loh chungchangah, political party-te an fimkhur a ngaih thu a sawi a, “Aizawl North-III bial bikah chuan tih âwm tawk an thiam mai turah ka ngai,” a ti bawk. www.vanglaini.org

Assembly bye-election neih tur bikah hian DEO chuan sector magistrate tur mi 10 a ruat. Sector magistrate turte chu Edenthar I & II-ah David Lalrinawma, Chanmari West I & II-ah R Vanlalsawma, Chanmari West III-ah Rochuangkimi Khenglawt, Chanmari West IV & V-ah VL Chhuanawma Chawngthu, Electric Veng I & II-ah PC Zonuntluangi, Electric Veng III & IV-ah Lalbiakfela, Zarkawt I & II-ah K Zorammuana, Hunthar Veng I & II-ah Alan Lalthanzara, Chanmari I & II-ah Dorothy Muansangi leh, Chanmari III & IV-ah Lalmuanpuia te an ni.

– See more at: http://www.vanglaini.org/tualchhung/46291#sthash.t0SZgMcI.dpuf

Facebook Comments

Add a Comment