Posted on

Zanin dar 7:45-ah Chanmari Derby

Zanin dar 7:45-ah Chanmari Derby

Chanmari FC-in Mizoram Premier League season 4 semifinal thleng turin point hnih bak an mamawh tawh lo a, zanin dar 7:45-a an hmaa ding tur chu tla thei dinhmuna ding Chanmari West FC te an ni.

Head to Head
July 17, 2012 khan Mizoram Premier League Season 1 Qualifier-ah tualchhung football-a Chanmari Derby hmasa ber kan hmu a, Chanmari FC 3-2 in an chak.

MPL2 khel turin Chanmari FC an tling nghal a, Chanmari West erawh kum khat hnuah MPL2 Qualifier-ah champion-in Mizoram-a football league sang ber khel turin an tling ve chauh.

MPL-ah club pahnih hi vawi nga an inkhel tawh a, MPL-a an intum hmasak ber ṭumah chauh an inhnehtawk a, a bakah zawng Chanmari FC an chak.

MPL4 Round 3-a an intawn hnuhnun ber ṭumin Chanmari FC hi 5-2 in an chak.

Chanmari an vanduai
MPL2 champion Chanmari FC hian an match hnuhnung berah Zo United an hneh lo a, an khingpui hi table mawngphaha awm an nih avangin tla thei dinhmunah an ding a, khelhpui an harsat lai tak a ni. Hemi hma chiah hian Chanmari FC hian table mawngphaha awm Mizoram Police an hmachhawn tawh bawk a, tun ṭumah hian inkhel result a zira table mawngphaha awm mai thei Chanmari West FC an khelh pui leh dawn.

Chanmari coach HC Zarzoliana chuan, “Inkhel tur hi sawi lawk thiam a har a ni. Rin dan mai chuan kan chak ka ring a, mahse tun season-ah vawi khat aia tam a vanduai zawkah kan ṭang tawh. Chutihrualin Chanmari Derby zawh ruala semifinal khelh theihna ticket neih kan duh a, midang result vanga semifinal in pet kai kan duh lo,” tiin chak ngei an tum thu a sawi.

Chanmari hian an defender pawimawh Lalrozama an la chhawr thei dawn lo a, player dang zawng an dam kim avangin player thlir mai chuan West Warrior aiin an ṭha zawk.

West Warrior hmabak
Chanmari FC-in player an nei ṭha a, ṭantu an nei ṭha bawk. Chanmari West FC-in player an nei chhelo a, ṭantu an nei ṭha tawh lo.

Chanmari West hian table mawngphaha awm Mizoram Police aiin point thum chiahin an sang a, Police hi head to head-a an tluk loh bawk avangin Chanmari derby aṭanga point an hlawhchhuah loh chuan tla thei dinhmunah an ding.

West Warrior hian match thum a zawnin an chak tawh lo a, Chanmari FC bakah Dinthar FC leh Aizawl FC te an la hmachhawn dawn avangin point hmuh a harsa zel dawn. Vawiin hi Gosen Lalrammawia hote tan hun pawimawh a ni a, an ṭhenawm club Chanmari FC an hneh theih nan ṭawiawmtu mipui an mamawh.

– See more at: http://www.vanglaini.org/infiamna/46216#sthash.o5U8mS8m.dpuf

Facebook Comments
Leave a Reply