Aizawl N-III bial mipui ngenna avangin Lal Thanzara a ding nawn: MPCC Media

Aizawl N-III bial mipui ngenna avangin Lal Thanzara a ding nawn: MPCC Media

MPCC Media department hotute chuan nimin khan Aizawl Press Club-ah thuthar thehdarhtute an kâwm a; Aizawl North-III Assembly biala an party candidate Lal Thanzara chu bial mipuite ngenna vanga ding nawn leh a nih thu an sawi. www.vanglaini.org
MPCC Media chairman James Thanghmingmawia chuan, Lal Thanzara chuan bàn hlen a hreh lo nia sawiin, “Tuna Congress party offcial candidate a ni leh pawh hi ama duh leh ngen vang ni loin, Aizawl North-III bial mipuiin hna a thawh ṭhat em vanga din leh tura an duh vang leh nasa taka an ngen vang ni,” a ti. www.vanglaini.org

James Thanghmingmawia sawi danin, Lal Thanzara hian Aizawl North-III bialtu MLA a nih laiin bial hmasawnna turin hna a thawk nasa a, a hnathawh ṭhat vangin bial mipuite’n an iai lo a ni. www.vanglaini.org

Aizawl Municipal Council (AMC) chu hna thawk thei loin, a hming chauhin July 1, 2008-ah MNF-in an din nia sawiin James Thanghmingmawia chuan, “Congress-in sorkarna a chan hnu khan AMC chu a tak taka thawhtir a ṭulzia hriain ni 3.10.2010-ah AMC inthlan hmasa ber neih a ni,” a ti.

MPCC Media Chairman sawi danin, AMC term liam taah khan July 30, 2014 leh February 11, 2015 chhung MNF leh ZNP-in sorkarna an siam tih loh chu Congress party kaihhruai sorkar a ding a; AMC sorkar hmasa ber hian Aizawl hmasawnna hna tam tak tihhlawhtlingin, Aizawl khawpui enkawlna dan paruk an siam hman a ni. www.vanglaini.org

AMC hmalaknain Aizawl khawpui chhungah bawlhhlawh paih dan thar public private partnership (PPP) mode hmanga kalpui a ni a, local council-te nen ṭang tlangin hlawhtling taka kalpui mek a ni. Aizawl khawpui chhung tawt lutuk tihziaawmna atan pedestrian overbridge hmun thumah siam a ni dawn a, hnathawh ṭan a ni tawh.

Aizawl khawpuia step leh tuihawk luankawr te, veng inkar kawng siam ngai te, culvert te, tuikhur leh leimin tur venna chi hrang hrang bakah, hall leh local council house sakna tur thlengin AMC hian a thawk reng niin an sawi. www.vanglaini.org

James Thangmingmawia chuan, fûr ruahtui tlak nasat vang te, kawng laih leh inhmun laih vangtea leimin awm ṭhin tihrena atan AMC leh Geo Hazard International Team an thawkho tih sawiin, “Anni nen hian dan ‘Site Development & Slope Modification Regulations’ siam a ni a, tunah hian Mizoram sorkar pawmpuina nghah mek a ni,” a ti. www.vanglaini.org

AMC executive councillor hlui Lalzirliana chuan, AMC sorkar tawp ta chu state dang ngaihtuah chuan hmasawn chak tak nia sawiin, “Hna thawh ṭhat leh sorkarin min enkawl ṭhat vangin perfomance grant a záwna dawng thei awmchhun kan ni,” a ti a; inthlan leh hunah MPCC leh MPC ṭang dunte thlan tlin an nih chuan Aizawl tana an hmachhawpte an tihhlawhtlin ngei tur thu a sawi.

Facebook Comments

Add a Comment