Posted on

Zaninah inkhel hmuhnawm Dinthar FC Vs Aizawl FC

Zaninah inkhel hmuhnawm Dinthar FC Vs Aizawl FC

Mizoram Premier League Season 4-a Aizawl FC leh Dinthar FC te intawn hma chiah khan MPL3 champion hi hmahruaitu an ni a, MPL1 champion hi table mawngphahah an awm thung. Dinthar boss T. Vanlalhluna chuan, “Aizawl FC hi chu kan chhiat ber laia pawha kan hneh ve ṭhin kha an ni,” tiin a chhaih kawlh a, Kelkang tlangval Lalkhawpuimawia (Mapuia) goal ropui hmangin hnehna an chang zui bawk.

Zanin dar 7:45 hian Dinthar FC leh Aizawl FC te hi MPL4-a a vawi hnihna atan an intawng dawn a, Spanish coach Manuel Retamero enkawl Aizawl FC hi hmahruaitu an la ni zel a, Round 10 zawhah Dinthar FC-in point 13 hmuin palina an ni ve bawk.

Aizawl FC boss Retamero chuan, “Kan rilruah phuba lak lam a lang lo, amaherawhchu point thum hmu turin theihtawp kan chhuah ang. Kan khingpuite hian semifinal thlen an tum avangin pressure an ngah a, keini chuan buaina kan nei lo. Ka player-te dinhmun ka hrechiang a, ka ringtawk khawp mai,” tiin team ṭha zawk an nih thu a sawi.

– See more at: http://www.vanglaini.org/infiamna/45955#sthash.Ix0rOOGu.dpuf

Facebook Comments
Leave a Reply