Posted on

Aizawl Municipal Corporation-in Khawlai cheiah lawmman siam dawn

Aizawl Municipal Corporation-in Khawlai cheiah lawmman siam dawn
Aizawl Municipal Corporation commissioner Dr H Lalthlangliana chuan thuchhuah siamin, kumin Krismas leh kum thar 2016 lo thleng tur puala kâwn leh khawlai chei mawi zual thlan chhuahte hnenah AMC lawmman a pe leh dawn tih a tarlang. www.vanglaini.org

AMC Commissioner chuan, Aizawl mipuite boruak muanawm tak hnuaia Krismas leh kum thar lawm turin duhsakna a hlan a, “Nikum lama kan lo tih tawh angin, Krismas leh kum thar vuiakveta Aizawl khawpui chhung chei mawi leh thianghlim taka a lan theih nan kuminah pawh veng tinin mahni theih ang anga veng chhung leh kawngpui dungte chei theih ni se AMC chuan a duh,” a ti. www.vanglaini.org

AMC Commissioner tarlan danin, AMC hian kâwn, kawngpui leh khawlai cheimawi ber hnenah lawmman Rs. 1,00,000, pahnihna hnenah Rs. 70,000 leh pathumna hnenah Rs. 50,000 a pe dawn a; consolation prize veng pasarih tan Rs. 20,000 ṭheuh a awm bawk. www.vanglaini.org

Veng chei mawia inelnaah hian Krismas pual a nih angin, a mawi leh danglam ringawt ni loin, Krismas lam hawia mite rilru hruai thei tur ngaih pawimawh ber a nih thu an tarlang a; endikna tehfungah pawh Krismas lam hawi a nih leh nih loh chu tehfung pawimawh berah an hmang dawn a ni. www.vanglaini.org

AMC tehfung turte chu – Krismas lam hawi a nih danin point 50; a mawina leh nalhna hrim hrimin point 20; veng mipui phûr leh ṭanrual danin point 10; mahni iráwm chhuak a nih danin point 10 leh mipui chiau-au leh entute tana ruahmanna siam danin point 10-te a ni. www.vanglaini.org

AMC chuan, Aizawla veng hrang hrangte chu mahni veng ṭheuh thianghlim leh fai taka vawng turin an chah a; Krismas pualin khawlai leh kawngpui chauh ni lo, mahni in leh a velte pawh a theih ang anga chei turin an ngen a ni. www.vanglaini.org

– See more at: http://www.vanglaini.org/tualchhung/46002#sthash.6kttNuIB.dpuf

Facebook Comments
Leave a Reply