Posted on

November thla chhungin FSA kalpui a ni dawn lo

November thla chhungin FSA kalpui a ni dawn lo
Food Security Act (FSA) chu November 2015 chhungin Mizoramah kalpui ṭan tum ni mah se, kalpui ṭan theih a ni dawn lo.

Vanglaini palai zawhna chhangin Food Civil Supplies & ConsumerAffairs (FCSCA) minister John Rotluangliana chuan, FSA-in a huam turte thlangtu tur Selection Committee din a nih dan MNF lamin an sawisel avangin Committee chu siam ṭhat a nih thu a sawi a, “Hei hian hun eng emaw chen a duh avangin November thla chhung hian kan hmang hman dawn lo,” a ti.

John Rotluangliana sawi danin, Selection Committee-te chuan FSA-in a huam turte hi an thlang fel deuh vek tawh a, buaipui ngai hrang hrangte buaipui zel a ni. FSA hman hun tur erawh hriat theih a ni lo.

Food Security Act-in Mizoramah mi 7,06,296 a huam dawn a, chu chu kum 2011 chhiarpui aṭanga chhûtin thingtlangah 81.88% leh khawpuiah 48.60% huam ang a ni. FSA hnuaiah hian buhfai kg. khat Rs. 3 zelin thla khatah kg. 5 an lei thei dawn a ni.

– See more at: http://www.vanglaini.org/tualchhung/45809#sthash.TJ2NEgog.dpuf

Facebook Comments
Leave a Reply