Posted on

Mizo zirlaite NASA Space Camp-ah tel dawn

Mizo zirlaite NASA Space Camp-ah tel dawn

St. Paul’s Higher Secondary School zirlai 16 leh zirtirtu pakhatte chu November 15-21, 2015 chhunga US Space Camp & Rocket Centre, Huntsville, Alabama-a National Aeronautics and Space Administration (NASA) Space Camp-ah an tel dawn a, nimin khan Mizoram an chhuahsan.

Tun hi NASA Space Camp-a Mizoram aṭanga an tel vawi khatna tur a ni a, camp an neih chhungin NASA-a mithiam rual – scientist, engineer, astronauts leh educator-te nen uhn an hmangho ang. Programme-te chu science, mathematics, engineering leh technology-te mihringin an ṭangkaipui theihzia a taka an hriatthiam theih tur hawi zawnga duan a ni.

Mizoram aṭanga kalte hian USA an panna leh an rawn haw kawngah leh an training chhungin harsatna an tâwk palh a nih pawha an buai loh nan insurance tihsak an ni a, insurance-in a huam theih zat chu India pawisain cheng nuai 33 hû a ni. Camp-a kalte hi kum 10 chhung atan US multiple entry visa pek an ni bawk.

St.Paul’s HSS zirlaite hi US Space Camp & Rocket Centre, Alabama-a ambassador Lalhnuna Hauhnar-in a hruai a; nimin zing khan Central YMA vice president Vanlalruata’n Vanapa Hall kawt aṭangin a vailiam a ni.

– See more at: http://www.vanglaini.org/tualchhung/45806#sthash.PllQN7Sr.dpuf

Facebook Comments
Leave a Reply