Posted on

Internet-a lirthei chhiah pekna tur hawng (www.vahan.mizoram.nic.in)

Internet-a lirthei chhiah pekna tur hawng
Transport secretary Hrangtawna chuan nimin khan Assembly Annexe conference hall-ah internet kaltlanga road tax leh passenger & goods tax pekna tur e-payment system a hawng. www.vanglaini.org

Transport Secretary chuan, internet-in awlsamna tam tak a siam tih sawiin, “India ramah pawh Digital India kalpui niin ram chhung hmun kilkhawr zawk thlengin internet-a thlunzawm tum a ni,” a ti a; Mizoram sorkarin e-governance a kalpuiah Transport department-in e-payment system a hawn tak chu hmalakna pêng pawimawh tak a nih thu a sawi. www.vanglaini.org

Hrangtawna chuan, India hmarchhak state dangah e-payment system hawn tawhte chu sumdawnna lirthei (commercial vehicle)-te tan chauh a nih laiin, Mizorama an hawn tâk erawh chu a hawn ní aṭangin mimal lirthei zawng zawng tan hman theih nghal a nih thu a sawi a, “Vawiin aṭanga thla hnih chhung hian road tax la pe lote’n late fee chawi ngai loin a duh tan e-payment system thar kaltlang hian a pek theih a ni,” a ti. www.vanglaini.org

Road tax leh passenger & goods tax pekna tur e-payment system hawn tak hi www.vahan.mizoram.nic.in a ni a, State Bank of India internet banking neite tan hman theih a ni. Debit card, credit card leh bank danga internet banking kaltlanga pek theih dan tur pawh ngaihtuah thuai tum a ni bawk. www.vanglaini.org

– See more at: http://www.vanglaini.org/tualchhung/45754#sthash.DXxYpgej.dpuf

Facebook Comments
Leave a Reply