Posted on

AMC-ah mi 2, LADC-ah mi 6 inhnûkdâwk

AMC-ah mi 2, LADC-ah mi 6 inhnûkdâwk

Aizawl Municipal Corporation (AMC) leh Lai Autonomous District Council (LADC) inthlan tura chuh tuma hming pe lutte inhnuhdawh hun chu nimin khan a tàwp a, AMC-ah mi pahnih an inhnûkdâwk a, LADC-ah mi paruk an inhnûkdâwk bawk. www.vanglaini.org

Aizawl DC Dr Franklin Laltinkhuma hnen aṭanga thu dawn danin, AMC inthlan chuh tuma hming pe lut tawh, nimina inhnûkdâwkte hi ward no. VII-a MPC candidate PC Lalruatsanga leh ward no. XII-a NDA (BJP) candidate VL Remruatfeli te an ni. AMC leh LADC inthlanah hian candidate 54 an awm dawn ta a ni.

LADC inthlan tura nomination paper-te endik hna chu nimin chawhma khan returning officer J Hmingthanmawia hoin endik zawh a ni a, Lawngtlai-III biala independent-a chuh tum nomination paper chu hnawl niin, mi 80-te nomination paper an pawm. www.vanglaini.org

LADC-ah hian tlai lam dar 4 thleng inhnuhdawh hun hawn a ni a; inhnuhdawhna uhn hawn chhung hian independent-a chuh tum mi panga leh ZNP ticket-a chuh tum mi pakhat an inhnûkdâwk. Heti hian LADC inthlanah hian candidate 74 an awm dawn ta a ni. www.vanglaini.org

Inhnûkdâwk tate chu – Sangau East biala independent-a chuh tum B Hmunchungnunga, Lungphur South biala independent-a chuh tum ve ve F Rualirha leh N Zohmunga, Bualpui East-a independent-a chuh tum T Lalbiakmuana, T Lawngtlai Vengpui biala independent-a chuh tum Rualkima leh, Lawngtlai-III biala ZNP candidate B Lalhuma te an ni. www.vanglaini.org

AMC leh LADC inthlan tura inhnuhdawh hun a tawp hnuah nimin tlai khan candidate-te chu an symbol tur pek nghal an ni. www.vanglaini.org

– See more at: http://www.vanglaini.org/tualchhung/45757#sthash.DsBeAmV0.dpuf

Facebook Comments
Leave a Reply