Posted on

Zanin dar 7:45-ah Inngam tawk Luangmual leh Zo United

Zanin dar 7:45-ah Inngam tawk Luangmual leh Zo United

Mizoram Premier League Season 4 ṭantirh a champion sawi ri ngam Zo United FC-in table mawngphah chhuahsan an duh a nih chuan zanin hian Luangmual FC lakah point an hlawhchhuah a ṭul ang.

Zo United hian match riat an khelh tawh aṭangin point nga chiah an hlawhchhuak a, goal hnih chiah an la khung. An result neih mek hi an player neih dana aṭanga chhutin a chhuanawm loh hle.

Zo United coach Remlalthlamuanpuia (Sabito) chuan, “Chak kan inbeisei a, result ṭha zawk chu kan neih ngei ka ring. Heti taka result ṭha kan nei lo chung pawh hian kan player-te hian tawnhriat an nei ṭha a, pressure an insiam lo,” tiin an team boruak a ṭhat thu a sawi.

Zo United hian match hnuhnun pahnihah 2-0 ve vein Aizawl FC an hneh lo. Tun ṭumah hian hian Luangmual aṭanga an lakluh forward Lalliansanga (Notea) chhawr thei dawn lo mah se  coach Sabito chuan Luangmual lakah goal an khung ngei a rin thu a sawi.

Luangmual FC forward B. Malsawmzuala’n club thar tan goal a khung nghal a, amaherawhchu hrem vangin a club hlui Zo United a hmachhawn thei dawn lo.

Luangmual coach Vanlalrova chuan, “Sawmtea hi khel thei ngei se kan duh a, chutihrualin a tel lo pawhin thui tak kan kal tawh. Zo United hi team ṭha an ni a, an result a ṭha lo mai a ni. Chuvangin point thum hmu turin fimkhur takin kan khelh a ṭul ang,” tiin a sawi.

Zo United leh Luangmual hi Round 6-ah 1-1 in an inhnehtawk a, hemi ṭum hian Zo United hi si phurh suttu zawk an ni.

– See more at: http://www.vanglaini.org/infiamna/45554#sthash.istwuA1h.dpuf

Facebook Comments
Leave a Reply