Posted on

MUALCHENG SOUTH MODEL VILLAGE A PUANNA LEH LAWMNA PROGRAMME CHIEF MINISTER-IN HMANPUI

MUALCHENG SOUTH MODEL VILLAGE A PUANNA LEH LAWMNA PROGRAMME CHIEF MINISTER-IN HMANPUI

Nimin khan Mualcheng South khua chuModelVillagea puan anih lawmna programme an khelmualah buatsaih a ni a, Chief Minister Pu Lal Thanhawla’n a hmanpui.

Chief Minister chuan model village ni tur chuan a khaw mipuite hi midangte entawn tlaka an nun a tul a, midangte model an ni tur a ni a ti a. Ringtu kan nih angin kan nitin nunah dikna a lal ber tur a ni a, takna in a zui tur a ni a ti.Takna nun vawng tlattute chu an dingchhuak thin a ni a ti. Mi tam takin politics hi sum siamna emaw, mahni sahmim tih puarna emaw, duhsak zawngte haivurna tur emaw an ti a. Politics hi rorelna tha leh dik, rorelna fel a awm theihna turakaninkaihhruainan Pathianin a hmanrua atana min pek a ni. Chuvangin, dawt a lenglo a, mahni hamthatna tura midangte sawichhiatna tur a nilo a ti.Kanawmna theuh hi Pathianin a rawngbawl tura min dahna a ni a, rinawm tak leh dik takin, tui taka thawk turkanni a, a chhelaisiamtha tura koh vekkanni a ti.

Chief Minister chuan Mualcheng mipuiten lawmnachang an hria chu Pathian duh zawng a ni  tiin, kum 2007, April thla a an nupa a an tlawh tuma lawm taka an lo dawnsawnnaah leh tuna an lo chawimawinaah lawmthu a sawi a. Model village a puan a ni ta chu sorkar ang pawhin theihtawp chhuah chhoh zel a ni ang a ti.

Mualcheng mipuiten Pu Lal Thanhawla chu Mizorama remna leh muanna thlentu tiin, a hmingchawiin chawimawina lungphun an siam chu Chief Minister hi an hawn tir a. Tlawmngai pawl hrang hrangten chawimawina thuziak, citation te an hlan a. VCin Chief Minister hi Nghawngkawl pein, a nupui Pi Lal Riliani pawh Paiem pe bawkin an phurh tir a, emah hian ei tur chi hrang hrang an dah a ni. MUP ten Zo ar nu leh an pa, arbawma dah an pe bawk a ni. VC in Chief Minister Relief Fundah Rs.10,000/- an pe bawk.

VCP Pu Nghakmawia chuan Pu Lal Thanhawla’n an khua chu model village ni tura alo tiam tawh tihhlawhtlin a ni chu lawmthu a sawi a. An mamawhte chu dil ngailovin Chief Minister hian a hre vek a ni a ti.

Inkhawm kaihruaitu Pu S.Laldingliana, bialtu MLA leh Vice Chairman, Lunglei High Power Committee chuan Chief Minister hmalakna avangin a bial chhunga khaw dangte thik theih tur khawpin Mualcheng South in hmasawnna a hmu a ni a ti.

Mualcheng South hi Lunglei chhim lam 60 km vela hla awm a ni a, chenna in 160 vel awmin mihring 900 vel an awm bawk a ni.

Facebook Comments
Leave a Reply