Posted on

Indigenous Games Festival ṭan a ni

Indigenous Games Festival ṭan a ni

Doordarshan leh Mizoram State Sports Council (MSSC) chuan nimin khan Brigade Field, Bawngkawnah Mizo infiamna hmanga intihsiakna ‘Indigenous Games Festival 2005’ an buatsaih ṭan a, Governor Lt.Gen. Nirbhay Sharma-in a hawng. www.vanglaini.org

Larsap chuan, Mizoram tih chu remna leh muanna tih nen hriat pawlh nawk nawk theih tur hial khawpin mite hriatah a thang mawi niin a sawi a, “Hmasawnna atana thil pawimawh ber remna leh muanna bakah, inpumkhatna vanga mite hriat hlawh Mizoram hian he hun ṭha hi hmang ṭangkai lehzual se a duhawm hle,” a ti. www.vanglaini.org

Festival chu Mizoramin infiamna khawvelah hma a sawnzia nemnghehna a nih thu sawiin, Governor chuan, “Mizo mipuite tan inchhuanna tham a ni,” a ti a; infiamna chi hrang tam tak lawm hlawh tak tak tharthawh reng a ni chu mi dangte tan entlawn tlak a tih thu a sawi. www.vanglaini.org

Mizo hnam infiamna kûtpuiah hian infiamna chi sarih – insaihruipawh, insuknawr, inbuan, inkawibah, inarpa sual, ketaminu tlansiak leh tuiûm khirha tui inchawisiakahte an inel a, YMA branch 37 an tel. www.vanglaini.org

Festival hi DDK chuan India ram puma en theih turin live-in an tichhuak a; vawiin leh naktukah chhunzawm a ni ang. www.vanglaini.org

– See more at: http://www.vanglaini.org/tualchhung/45576#sthash.4bvhnJL4.dpuf

Facebook Comments
Leave a Reply