ICFAI UNIVERSITY MLZORAM-IN CONVOCATION VAWI 4-NA HMANG

ICFAI UNIVERSITY MLZORAM-IN CONVOCATION VAWI 4-NA HMANG

Vawiin chawhma ah khan lCFAl University Mizoram chuan an University Campus, Durtlang North-ah an Convocation vawi 4-na an hmang a. He hun hi Mizoram Governor Lt. Gen.(Rtd.) Nirbhay Sharma in a hman pui a ni. Convocation-ah hian lcfai University Mizoram atanga kum 2015-a zirchhuak mi 59 te hnenah Degree (UG & PG) pek a nih bakah zirlai zinga ti-thabik te hnenah Gold leh Silver Tangkapui hlan a ni.

Lt. Gen. Nirbhay Sharma chuan zirlai pass thar te a lawmpuithu a sawirualin, an zirtirtute thahnem Ngaihna leh an nu leh pa te thlawpna avanga tun dinhmun thleng thei an nih thu a sawi a. Zirlai te tan Convocation Day chu ni lawmawm bik leh rilru a cham kumkhua tawh thin a nih thu a sawi a. An hmalam hun ah hlawhtlinna an neih theih nan thawkrim tur leh a thaber ni zel tura chah in a vantlang tan hlawhtlinna leh hlawkna lawmman lak tur a awm ve lo tih a hrilh. Mizo zirlai te chu English leh Mizo bakah hnamdang tawng thiam tum a bei turin a chah a, a bik in Hindi phei chu India ram chhung bikah thiam nal a ngai hle a ni ti in hnam dang tawng thiam pawimawhna te Chinese ten Hindi an zir ve tih hmang in a hrilhfiah a ni. Mizo zirlai te aia thluak tha zawk leh thiam bik an awm loh thu sawiin a pawimawh ber erawh chu rilru inhawng zau zawka khawvel thlir thiam a ni a ti a. Mizoram chhung chauh rilru ah dah lova India ram pawn te thleng pawh thlir a hmachhawp leh thil tum tihhlawhtlin ngai inseam chawpa an mahni theuh intuk nghal turin a fuih a. Mahni ram chhung chauhva awm tum leh lungawina chuan thliarkar rilru reilote chhungin a siam thin a , chu chuan hmasawnna a ti thuanawp thin a ni a ti.

Thusawitu dang, ICFAI Vice Chancellor, Prof J.P.Ramappa pawhin kalkhawmte lawman thu sawiin, University hmasawnahranghrangte a tarlang a. lCFAl University chu India ram a Private University lianberte zinga mi a nih thu sawiin tunah hian India ram State 16 ah in zarpharhin – lCFAl Universities 11, ICFAI Bussiness School 9, ICFAI Tech 7 leh lCFAl Law School 5 te an awmmek a ni a ti. ICFAI University Mizoram chuan tunah hian course hranghrang 16, Bachelor leh Master Degree ah te zirna a kalpui a, kumthar atangin course that 8 hawnbelh leh anih tur thu a sawi a. Tuna course chi hrang hrang te hi zirlaiten an zirlai an zirzawh huna hnazawnna kawngapui thei tura duan a ni a. An hnathawh tur a theih chin chinah zawn sak zel an nih thu a tarlang a ni.

Facebook Comments

Add a Comment