Sorkarin Mizoram budget chungchang a sawifiah

Sorkarin Mizoram budget chungchang a sawifiah

Finance department leh Planning & Programme Implementation department chuan Mizoram sorkar kum 2015-16 budget chungchangah sawifiahna a tichhuak a; kumin October thlaa budget session neiha sorkar hnathawk zat zawhna leh chhanna dik lo anga sawi chu hriat fuh loh palh vang nia sawiin, “Data dik lo engmah tarlan a awm lo,” an ti. www.vanglaini.org

Sorkar thuchhuah chuan, budget session neih zawh taka DP&AR-in sorkar hnathawk zat zawhna a chhanna leh budget document ‘Salary & Employment Data’ inang loah data dik lo a awm lo niin a tarlang a, “Member-in DP&AR a zawhnaah chiang takin sorkar hnathawk regular leh contract tia zawh a nih avangin chutiang chuan chhannaah pawh tarlan a ni,” a ti. www.vanglaini.org

Salary & Employment Data-ah erawh chuan regular leh contract bakah, muster roll-a thawk mek te, CSS hnuaia thawk te, public sector enterprises-a thawk te, office hrang hranga co-terminus basis-a thawk te, commission leh board-a thawk mekte an tel vek thung niin an tarlang. www.vanglaini.org

Finance leh Planning department-te chuan, budget session zawh taka sorkar hnathawk hlawh zat chhanna dik lo awm anga sawi pawh hriat fuh loh vang nia sawiin, “Data dik lo tarlan a awm lo,” an ti a; starred question chhannaa non-plan leh plan head-a hlawh (salary & wages) atana sum ruahman zat a hrang ve vea percentage tarlan a nih thu an sawi. Plan leh non-plan aṭanga hlawh pek percentage pahnih (50.88% leh 10.43%) tarlan chu belhkhawma 61.31% hmang anga ngaih chu a dik lo niin an sawi bawk. www.vanglaini.org

Finance leh Planning sawifiah dangte

@Hmasawnna atana sum hman hi definition fel tak nei India ram Central leh state-te’n ram pumah ang khat vek hman a ni. Mizorama mi ṭhenkhatin hmasawnna atana sum hman sawifiah nan ‘capital expenditure’ an hmang a, sorkarin hmasawnna atan sum hmang tlem lutuk angin an sawi a. Hei hi hriat fuh tawk loh vang a ni. Capital expenditure hi budget head-a asset siamna atana sum hman tur ruahman dahna a ni a, a hnuaiah developmental expenditure leh non-developmental expenditure component a awm ve ve a ni. Revenue expenditure pawh sorkar inrêlbâwlna anga tarlan ni mah se, revenue expenditure-ah hian ram hmasawnna atana sum hman (developmental expenditure) leh inrelbawlna (non-developmental expenditure) component a awm ve ve a ni. Capital expenditure chauh hi development thawhna a ni lo. www.vanglaini.org

@RBI hian state budget-te zirchianna kum tin a tichhuak ṭhin. Hei hi official-a sorkar laipuiin a rin leh hman ber a ni a, research beihna atan pawh Institution hrang hrangin an pawm ber leh international institution-te pawhin an hman ber pakhat a ni. Publication hnuhnung ber May 12, 2015-a chhuakah chuan Mizoram hi India ram state zawng zawng zingah budget aṭanga za zela chhûta hmasawnna atana sum hmang hnem ber state kan ni. Gross State Domestic Product (GSDP) aṭanga chhutin Mizoram chuan kum 2012-13 (actual)-ah developmental expenditure-ah 44% zet kan hmang a, India ram state zawng zawng developmental expenditure to GDP erawh chu 9.7% chauh a ni. Kum 2013-14 (RE)-ah pawh Mizoram chu pakhatna bawk niin, 53.1% developmental expenditure to GSDP a ni. 2014-15 (BE) ah pawh pakhatna hauh lehin, developmental expenditure to GSDP chu 38.9% a ni a; India ram state-te chawh rual developmental expenditure to GSDP chu 11.6% chauh a ni thung. www.vanglaini.org

@State matching share chungchangah budget-ah 90:10 anga dah (estimate) a nih hnuah sharing pattern 50:50-a thlak a nih avangin budget rintlak ta lo anga sawi a awm a. Hei hi thil kalphung hriat fuh tawk loh vang a ni. CSS tam ber hi 90:10-a thlak a lo ni leh ta a, state matching share tur hi central share release ang zela matched tur a nih avangin Planning department-ah simulations hrang hrang fel taka tih hnuah provision sum awm dan mila dah a ni. State matching share pattern inthlak vanga budget dik lo duai thei tur ang mai maia budget kalpui a ni lo, budget-a sum neih dan milin CSS pawh sorkarin matching share pein a kalpui dawn a ni. www.vanglaini.org

– See more at: http://www.vanglaini.org/tualchhung/45533#sthash.hWse9TVH.dpuf

Facebook Comments

Add a Comment