Hmeichhe councillor an ding nawn lo

Hmeichhe councillor an ding nawn lo

November 26, 2015-a Aizawl Municipal Corporation (AMC) inthlan turah political party hrang hrangte’n candidate turte an puang tawh a; candidate puan tawh chinah councillor ni lai ding nawn tur paruk an awm a, hmeichhe councillor zingah ding nawn tur an awm lo. www.vanglaini.org

AMC ward 19-ah hian Congress party leh MPC ṭangkawp, BJP leh ZNP ṭangkawp leh MNF-te’n ward tinah candidate an siam vek a. MPCC leh MPC candidate tur zingah Rosiamngheta, Lalrimawia, Lalzirliana leh C Lalsawivunga chu councillor ni lai an ni a; MPCC leh MPC-in free zone-a an puan ward-XIII a MPC candidate PC Lalruatsanga chu councillor ni lai a ni bawk. www.vanglaini.org

MNF candidate tur zingah councillor ni lai pahnih – Lalrinenga Sailo leh Lalhmingthanga te an awm a; NDA (ZNP leh BJP) candidate-ah councillor ni lai an awm lo thung. www.vanglaini.org

AMC-ah hian hmeichhe tana hauh (reserve) ward paruk a awm a; councillor ni laite chu candidate tur puan tawh chinah an la tel lo a; an ward-te hmeichhe tan hauh a ni tawh lo vek a ni. Councillor ni lai pahnih PC Lalruatsanga leh Lalrinenga Sailo te chu an ward enkawl mek hmeichhe tan hauh a ni a, tun ṭumah hian ward dangah an ding leh dawn a ni. www.vanglaini.org

– See more at: http://www.vanglaini.org/tualchhung/45512#sthash.AoaafqGp.dpuf

Facebook Comments

Add a Comment