Posted on

Aizawl North-III bye-election chuh turin MNF leh NDA candidate-te’n hming pe lut

Aizawl North-III bye-election chuh turin MNF leh NDA candidate-te’n hming pe lut

November 21, 2016-a Aizawl North-III Assembly bye-election neih turah nimin khan MNF candidate K Vanlalvena leh ZNP leh BJP ṭang dun candidate Lalduhoma ten returning officer Lalchungnunga, Aizawl addl. DC hnenah nomination paper an thehlut. www.vanglaini.org

Assembly bye-election-a chuh turte tana hming pek luh hun hi nimin tlai dar 3 khan a tawp. MNF candidate K Vanlalvena chuan nimin chawhma dar 11-ah RO hnenah hming a pe lut a; ZNP-BJP candidate Lalduhoma, ZNP president pawhin an party office-a candidate puanna inkhawm an neih zawhah, chawhnu lamah hming a pe lut ve leh a ni. www.vanglaini.org

Nomination paper a thehluh zawha thuthar thehdarhtute zawhna chhangin K Vanlalvena chuan, tun ṭuma bye-election chu hun kal tawha bye-election neih chhan ang a ni lo tih a sawi a, “Mizoramah hetiang hi a la awm ngai lo. Hun dangah chuan MLA boral vang leh bial pahniha tlingin bial pakhat zawk a chhuahsan vangte a ni a, tuna mi erawh hi chu MLA ni laiin dan bawhchhiaa phal loh a tih vanga hrem pumpelh nana báng a ni,” a ti a; thil dik lo titu ngei chu a din leh avangin thil dik lo dodal turin a rawn ding chhuak niin a sawi. www.vanglaini.org

K Vanlalvena chuan, bye-election awm turah thlaphânna tur a awm lo tih a sawi a, “Pathian rinchhanin tlin theih ngei kan inring. Bial mipuite’n Congress party candidate hi a dik lohna an hriat chian ngei kan ring,” a ti.

Aizawl North-III bye-election-a ZNP leh BJP ṭang dun, National Democratic Alliance (NDA) candidate Lalduhoma chuan, bye-election-ah chuan political party-te an ṭanho vek pawhin an chak ngai lo tih a sawi a, “Kan chak lo a nih pawhin thil zahthlakah ka ngai lo. Kan chak ta a nih chuan thil mak a thleng a ni mai. Zoramah hian inthlahchhawn rolrelna a awm tur a ni lo,” a ti. www.vanglaini.org

– See more at: http://www.vanglaini.org/tualchhung/45504#sthash.OloUex8P.dpuf

Facebook Comments
Leave a Reply