ZAITHAIM HRANGHLUI LALTANPUIA TOCHHAWNG A BORAL

ZAITHAIM HRANGHLUI LALTANPUIA TOCHHAWNG A BORAL

MSR : Vawiin tlai dar 4:30 vel khan Mizo Zaithiam hranghlui Pu Laltanpuia Tochhawng kum 55 chu Chawnpui venga an in panna kawng phei atangin a thlang kawngpuiah tla thla a, a hliam tuar lovin Aizawl Civil Hospital-ah vawiin tlai dar 6:10 vel khan a boral.

Pu Laltanpuia Tochhawng hian fa mipa vek 4 neiin tu 3 a nei a, a nupui nen hun rei deuh tawh atang khan inthenin Chawnpui vengah an khawsa a ni. Vawiin tlai khan an in piah kawngpui atangin a thlang kawngpui meter 20 vel zet a sangah a tla thla a, a luah hliam na tak a tuar a, Seventh day damdawiin panpui a nih hnuah a hliam a serious avangin Aizawl Civil Hospital panpui leh a ni a, vawiin tlai dar 6:10 vel khan a hliam tuar lovin a boral ta a ni.

Pu Laltanpuia Tochhawng hi Zaithiam lar a nih avangin amah sunna hun hmang tur mi an thahnem viau tura rin a nih avangin Chawnpui khawtlang hruaitu te chuan Chawnpui Sports Center-ah vuina hun hi hman mai nise tiin ngaihtuahna an hmang a, hetih lai hian a fa te chuan an chenna In lama vuina hun hi hman mai thain an hre bawk a, ngaihtuahna an la hmang mek niin thudawnna chuan a sawi.

Pu Laltanpuia Tochhawng ruang hi zaninah tlaivar pui a ni anga naktuk chhun dar 12 ah vui a ni ang.

Pic : Pu Laltanpuia Tochhawng tlakna, a chhak lam kawng atangin kawngpui metal road-ah hian a tla thla a, kawngpui huh zuih hi thisen bua tuia an leih tlenna a ni.

Source: Vanneihthanga Vanchhawng

Vanneihthanga Vanchhawng's photo.
Facebook Comments

Add a Comment