Posted on

AMC leh LADC inthlan hun puang November 26, 2015-ah vote thlak dawn

AMC leh LADC inthlan hun puang November 26, 2015-ah vote thlak dawn

Aizawl Municipal Corporation (AMC) inthlan vawi hnihna leh Lai Autonomous District Council (LADC) inthlan vawi 10-na chu November 26, 2015 (Ningani)-ah neih a ni dawn. Inthlan puan a nih avangin AMC leh LADC huam chhungah Model Code of Conduct hman nghal a ni. www.vanglaini.org

State Election Commissioner (SEC) L Tochhong chuan nimin chhun dar 12 khan Aijal Club-ah thuthar thehdarhtute kâwmin, AMC leh LADC inthlan hun tur hi a puang.  www.vanglaini.org

L Tochhong sawi danin, LADC sorkarah MDC bial 25 a awm a; tun ṭum inthlan atan hian kumin September 2 aṭanga October 9 thleng electoral roll ennawn niin, roll hman tur chu October 19-ah tihchhuah a ni. Voter 45,757 an awm a, mipa 22,478 leh hmeichhia 23,279 an ni.  www.vanglaini.org

Bial 25 zingah Sakeilui bialah voter tam berin, 3,067 an awm a, voter tlemna ber Cheural bialah voter 1,145 an awm. Polling station 103 a awm a; voter tamna ber polling station chu Lawngtlai-III niin, 1,153 an awm a, voter tlemna ber polling station Chamdurtlang-II ah voter 65 an awm.  www.vanglaini.org

SEC chuan, LADC inthlanah hian electronic voting machine (EVM) hman tur a nih thu a sawi a; Lawngtlai DC leh DEO ni bawk chu returning officer tur a nih thu leh ARO pali ruat an nih thu sawiin, “Election official atan Lawngtlai district chhunga Mizoram sorkar leh CADC sorkar hnathawkte ruat an ni,” a ti.

AMC-ah chuan ward 19 awmin, chung zinga ward parukte chu hmeichhe tana hauh a ni a; chungte chu – ward no. I, VII, IX, XIII, XV leh XVIII te a ni. AMC inthlan turah hian voter 1,92,382 an awm a, chungte chu mipa 90,287 leh hmeichhia 1,02,095 an ni.  www.vanglaini.org

Polling station 211 a awm dawn a, polling station tinah voting compartment pathum a awm ang. Polling station zingah Bethlehem-I ah voter tam berin, 1,244 an awm a, voter tlemna ber polling station Lungverhah 214 an awm.  www.vanglaini.org

AMC inthlanah hian political party-te duh dan angin, EVM hmang loin, ballot system-a inthlan a nih dawn thu sawiin, SEC chuan, “Tun hmaa MLA inthlana ballot box-te kha hman a ni ang,” a ti.

AMC inthlanah hian Aizawl DC chu municipal election officer a ni a; ward tinah returning officer leh assistant returning officer pakhat ve ve an awm dawn a, polling station tinah presiding officer pakhat leh polling officer pahnih zel an awm ang.  www.vanglaini.org

LADC leh AMC inthlana candidate-te tan campaign-naah Rs. 1,00,000 aia tam lo hman phalsak an ni a; vote thlak dawnah EPIC ken tur a ni a, EPIC nei lote anmahni tichiang thei ID ken a ngai. L Tochhong chuan, inthlanna felfai leh muanawm a awm theih nan pawl, political party leh mi tinte ṭawiawmna a ngen a ni.

Inthlan atana hunbi ruatte  www.vanglaini.org

# AMC LADC
SEC hriattirna chhuah 20.10.2015 30.10.2015
RO hriattirna chhuah 31.10.2015 31.10.2015
Nomination file hun tawp 6.11.2015 5.11.2015 (3:00 P.M)
Nomination endik ni 7.11.2015 7, 8, 9.11.2015
Inhnuhdawh hun tawp 9.11.2015 9.11.2015
Symbol pek chhuah hun 9.11.2015 10.11.2015
Inthlan ni 26.11.2015 (7:00 AM – 4:00 PM) 26.11.2015 (7:00 AM – 4:00 PM)
Inthlan ṭhat (a ṭul chuan) 27.11.2015 27.11.2015
Vote chhiar hun 26.11.2015 28.11.2015
Inthlan thil tihfel hun 30.11.2015 30.11.2015

www.vanglaini.org
– See more at: http://www.vanglaini.org/tualchhung/45267#sthash.K8soc0II.dpuf

Facebook Comments
Leave a Reply