Posted on

Synod Choir music video thar; KṬP General Conference-ah album tihchhuah hman an tum

Synod Choir music video thar; KṬP General Conference-ah album tihchhuah hman an tum

Synod Choir chuan kumina an music video pahnihna tur chu nizan khan Choir Cabin, Synod Conference Centre-ah Rev. PC Pachhunga, Synod Executive Secretary chuan a tlangzarh.

Synod Choir music video thar hi ‘YAHWEH’ tih a ni a, kumin khan ‘Lalṭhuthleng kiangah’ tih, music video an lo tichhuak tawh a ni. ‘YAHWEH’ hi an conductor lehlin a ni a, a video hi LKA, Mission Vengthlang siam niin, Music Home-in a light system lam an tumsak thung.

Music video an tihchhuah hnu hi chuan rawngbawlna tur hrang hrang an neih leh, an album lamah an inbuatsaih chhunzawm zel ang. Synod Choir hian Kolkata-ah rawngbawlna an nei dawn a, Synod Inkhawmpui atan an inpuahchah mek bawk. Hei bakah hian December 22-a AR Ground-a Carol Service neih turah an zai bawk ang.

Album an tihchhuah tur hi a album hming tur a la sawi theih loh a, nakkum KṬP General Conference, Champhaia neih tura tlangzarh tur a ni. Tunah hian audio pasarih an peih tawh a, album an tihchhuah tur hi music video album tur a nih avangin hmabak an la ngah hle. Hla 11 emaw 12 vel emaw a awm ang. An member-te pasal neih avanga rawngbawlna chhunzawm thei lo an nual a, tunah hian member pathum lak belh an ni.

– See more at: http://www.vanglaini.org/thalai/45034#sthash.Eba7ozf6.dpuf

Facebook Comments
Leave a Reply