Market hawng; Police training; Model village; Stadium puitling;

Market hawng

NLUP Implementing Board (NIB) chairman JH Roṭhuama, MLA chuan nimin khan Kolasib Project Venga NLUP Market Shed a hawng. Market shed hi a dung ft. 40 leh a vâng ft. 15-a zau a ni a, mi 18 vel inpho theihna tura ruahman a ni.

Police training

Lunglei district police-te chuan nimin khan SP conference hall-ah ‘Human Rights & Human Trafficking’ tih thupuia hmangin training an buatsaih a, Lunglei additional SP J Lalmuankima’n a hawng.

Model village

Champhai South bialtu MLA JH Roṭhuama’n model village atana thlan Ruantlang khuaa hmalak dan tur ngaihtuahin nimin khan DRDA project director CC Lalchuangkima hoin BDO office-ah an ṭhukhawm a, Line department hotute leh V/C member-te an ṭhukhawm.

Stadium puitling

Sports minister Zodintluanga chuan, nimina Champhai Chhangphut Field-a Vanbawiha Memorial Football Tournament a hawnnaah Mizorama stadium puitling hmasa ber tur chu Champhai Zotlangah sak mek a nih thu leh, kumin December-ah sak zawh hman tum a nih thu a sawi.

– See more at: http://www.vanglaini.org/tualchhung/45077#sthash.0Xn7OYAf.dpuf

Facebook Comments

Add a Comment