November 21-ah LPS Pro Fight

November 21-ah LPS Pro Fight

Boxing inelna TV show ngaihhlut tak, Samsung 3:16 LPS Pro Fight chu November 21 hian Rajiv Gandhi Multipurpose Hall, Mualpuiah neih a ni dawn a, a ṭum ngana tur a ni.

October 23 aṭangin LPS Office-ah  form lak chhuah theih a ni a, November 9 thlengin theh luh theih a ni. November 9-ah Hawla Indoor Stadium, Republic Vengthlangah inbuk a ni ang.

Weight pangaah inelna hi kalpui tur a ni a, hmun tharah mipui tam zawk lennaah buatsaih a ni dawn. He hall thar, Rajiv Gandhi Multipurpose Hall hi tunah hian hawn la ni lo mah se Pro Fight neihna atan hian chief minister Lal Thanhawla leh sports minister Zodintluanga ten Mizoram boxing-in hma a sawn theih nan hman an phalsak a, an chungah leh MSSC chungah organising committee-in lawmthu an sawi.

Pro Fight urlawk nan Mizoram Boxing Association buatsaih district hrang hranga training centre-ten inelna an nei dawn a, LPS Vision-in inhnek zawng zawng live-in a pe chhuak ang.

– See more at: http://www.vanglaini.org/infiamna/44817#sthash.8hqQxAxd.dpuf

Facebook Comments

Add a Comment