CYMA President atan Lalbiakzuala

CYMA President atan Lalbiakzuala

YMA General Conference, Bairabi-a neih chu nizan khan a ṭiak a, vawiinah palaite an haw ang. Nimina hruaitu thlannaah Central YMA president atan Lalbiakzuala, Khatla East thlan nawn a ni. Lalbiakzuala chuan, YMA member-te chu ṭanpui ngaite puitu leh lusûnte hnemtu ni zel turin a chah. www.vanglaini.org

Kum 2015-17 chhunga Central YMA office bearer turte thlanna hi nimin khan pandal-ah neih a ni a, returning officer JH Zoremthanga leh polling officer mi 100 chuangin an buaipui a ni. www.vanglaini.org

YMA General Conference-ah hian Nilaini zan khan CYMA vice president Vanlalrema Rokhum-in thupui ‘Ram leh hnam humhalh’ tih a sawi a, parliamentary secretary Joseph Lalhimpuia’n SSA awareness neiin thu a sawi bakah, kumpuan bawhzui ṭha lawmman sem a ni. www.vanglaini.org

Nimina hruaitu thlan hlanin rorel palai ni lote tan Bairabi Hmarveng Hall-ah variety programme hman a ni a, Zonet Cable TV managing director RK Lianzuala’n ‘Mizo ṭhalaite leh tunlai khawvel’ tih a sawi. Nizan khan palai thlahna inkhawm neih a ni a, CYMA president Lalbiakzuala leh khuallian, chief minister Lal Thanhawla ten thu an sawi a ni. www.vanglaini.org

Central YMA President chuan nizan khan conference-ah thu sawiin, YMA chu ṭanpui ngaite ṭanpuitu a nih angin, ṭanpui ngaite puitu, riangvaite puitu, lusûnte hnemtu ni zel turin YMA member-te a chah a, “YMA hi miin an fate telna tlak pawla an ngaih zel theih nan, Zofate lungrualna leh inthlamuanna pawl a nih reng theih nan pawl thil tum leh innghahna thupui hi vawn nun reng a pawimawh hle,” a ti. www.vanglaini.org

Bru-te’n Mizote a chhe thei ang bera khawvel leh India mipuite hriata an la hêk zel thu sawiin, “Kum 1995 electoral roll-a hming chuang leh an thlahte chu Mizorama rawn kir turin kan au lawm lawm a, mahse mi pamham leh duham ṭhenkhatte vangin an lo kîr duh lo a ni. Lo kir duh lo na nâ nâ chu lo kir lo rawh se,” a ti a; Bru-te chu Mizoramin a mamawh lo tih a sawi.

Mizorama kîr duh lo Bru-te cu Mizoram electoral roll aṭanga paih a nih theih nan hma an la zel dawn tih sawiin, CYMA President chuan, “Political party-te tan hamṭhatna lakna chi a ni lo a, inlungrual taka kan kalhona tur a ni,” a ti. National Population Register hmangin Chakma foreigner chhiarpui an nei dawn tih sawiin, “Bangladesh aṭanga Chakma lo lut rû ka hmuh chhuahte chu ram dan hmanga thawn kîr an nih theih nan YMA-in theihtawp kan chhuah ang,” a ti.

Lalbiakzuala chuan, YMA-in Zofate inpumkhatna atan hma a la zel dawn tih sawiin, “Engtik ni-ah emaw chuan Myanmar-ah YMA branch a la ding ang a, engtikah emaw chuan Tahan, Tiddim, Falam, Halkha velah YMA inkhawmpuite pawh kan la nei ngei ang,” a ti a; Mizo hnam péng hrang hrangte intai lo a, inpumkhatna tura ṭan lak zel a ṭul thu a sawi. www.vanglaini.org

CYMA President chuan, Mizo ṭhalaite’n ngaihsan tur dik an ngaihsan theih nan ṭan lak a ngai tih sawiin, “Kut tling loa hausate mausàm ngam ila, thawhrimna vanga hlawhtlingte chawimawi thiam ila. Mizo nun ze mawi, tlawngaihna, aia upa zah, huaisenna leh rinawmnate hi i vawng nung zel ang u,” tiin YMA member-te a sáwm a ni.

Nihna Thlan tlin Veng Vote hmuh Vote tla
President Lalbiakzuala Khatla East 1906 1975
Vice President Vanlalruata Tuikual 1158 2020
General Secretary Lalhmachhuana Chaltlang North 1510 1994
Assistant Secretary R Lalngheta Hlimen 714 1980
Treasurer J Lalsailova Mission Veng 484 1710
Finance Secretary Lalrochuanga Pachuau Zarkawt 1185 1488

Kumpuan bawhzui ṭhate www.vanglaini.org

GROUP BRANCH
1. Zobawk Group 1. Khawbung
2. Saitual Group 2. Electric Veng, Aizawl
3. Khawzawl Group 3. Léng

– See more at: http://www.vanglaini.org/tualchhung/44830#sthash.iDlaKTA3.dpuf

Facebook Comments

Add a Comment