Posted on

2015-16 Mizoram budget pass a ni

Mizoram Assembly budget session, October 6, 2015-a ṭan chu nizan khan zawh a ni a, nizan vek khan kum 2015-16 chhunga Mizoram budget atana ruahman cheng vbc. 7576.56 pass a ni. Kumina budget hi nikum aiin cheng vbc. 805.77-in a tam zawk. www.vanglaini.org

Nimina session-ah hian zawhna leh chhanna hun hman zawhah chief minister Lal Thanhawla enkawl department-te sum tur ruahman sawiho a ni a, nizan khan pass a ni. Budget pumpui pawh nizan khan pass a ni a, budget pass a nih hnuah sum hman phalna Appropriation Bill No. 5 pass nghal a ni bawk. www.vanglaini.org

CM Lal Thanhawla chuan, tunlaia Mizoram hmun hrang hranga kawng chhia chu pawi a tih thu sawiin, kawng chhiat chhan ber chu fûr ruahtui a tlak rei vang leh motor lian rit phur, ke tam tak neite’n an rah nasat tawh vang leh a hmangtu an tam tak vang a nih thu a sawi a; kawng chhia zinga tam tak chu kum 2008 hma lama chhe tawhte niin a sawi.  www.vanglaini.org

Lal Thanhawla chuan, Health department lamah ṭan lak an tum thu leh, damdawi-inte chu khawl ṭha tak takte nen thuam chhoh zel an tum thu a sawi bawk.

Kum 2015-16 chhunga Mizoram budget tura ruahman cheng vbc. 7576.56 hi non plan aṭangin vbc. 4339.69 leh plan fund aṭangin vbc. 3097.78 ruahman a ni a, CSS leh thil dang aṭangin vbc. 139.07 hmuh tura ruahman a ni. NLUP atan bik cheng vbc. 60 dah a ni. www.vanglaini.org

Budget atana sum hmuhna tura ruahmante chu State Own Tax Revenue aṭangin cheng vbc. 326.56, Share of Central Tax aṭangin vbc. 2413.72, State Own Non-Tax Revenue aṭangin vbc. 252.81, sorkar laipui aṭanga ṭanpuina vbc. 4182.36, Loan & Advances rulh letna aṭangin vbc. 40 leh financial institution hrang hrang aṭanga pûk tur vbc. 369.22 te a ni. www.vanglaini.org

Mizoramin chhiah aṭanga a hmuh tura beisei nuai 2740.28 aṭanga Mizoramin a thawhchhuah ve tur beisei chu vbc. 326.56 (11.92%) a ni a; MLPC Act hnuai aṭangin chhiah vbc. 35.68 hmuh a beisei a ni.

Budget cheng vbc. 7576.56 aṭang hian vbc. 6091.29 chu sorkar inrêlbawlna leh inenkawlna (Revenue expenditure) atan tih a ni a, chu chu 80.40% a ni. Cheng vbc. 1485.27 chu hmasawnna leh ram ruhrel siamna (capital expenditure) atan tih a ni a, chu chu 19.60% a ni. www.vanglaini.org

Mizoramin kum 2015-16 chhunga leiba a neih tura ruahman chhin chu cheng vbc. 6260.20 a ni. Sorkar kum kal ta khan 13th FC Commission chuan GSDP aṭanga tehin leiba hi 74.8% tal ni se tih a ni a, Mizoram leiba chu 46.91% a ni mek a, kumin tawpah chuan 44.07%-ah a tlakhniam beisei a ni.

CM Lal Thanhawla demand www.vanglaini.org

Department Demand
Political & Cabinet Rs. 51,93,000
Vigilance Rs. 5,28,20,000
GAD Rs. 75,32,62,000
Secretariat Administration Rs. 95,29,30,000
DP&AR Rs. 2,71,37,000
Information & Public Relations Rs. 12,31,30,000
Public Works Department Rs. 4,28,67,05,000
Power & Electricity Rs. 3,53,69,16,000
District Council Affairs Rs. 2,57,25,55,000
Health & Family Welfare Rs. 4,06,19,86,000
Information & Comm. Tech. Rs. 15,49,97,000
Minor Irrigation Rs. 97,18,80,000

www.vanglaini.org
– See more at: http://www.vanglaini.org/tualchhung/44763#sthash.2f3wE9Ar.dpuf

Facebook Comments
Leave a Reply